Tíðindi

Jákup Sverri

Tilmæli

Havið

Djóralisti

Lívið í havinum

Í øldir hava føroyingar gagnnýtt stóra tilfeingið í sjónum til lívsins uppihald. Við økta fólkatalinum og stórari ídnaðarmenning hava vit lagt størri trýst á havvistskipanirnar. Harafturat koma náttúrligar broytingar, sum eisini ávirka javnvágina, viðhvørt betra vegin, viðhvørt verra. Í nýggjari tíð eru so mannaelvdar broytingar lagstar afturat. Tað liggur á okkum føroyingum at umsita alla veiðu av fugli, hvali og fiski á burðardyggan hátt, so hetta tilfeingið eisini er tøkt til komandi ættarlið. Sum liður í hesi umsiting ger Havstovan regluligar stovnsmetingar av nøkrum djórasløgum fyri at fylgja gongdini. Ein høvuðsuppgáva hjá Havstovuni er at kunna, samskifta og ráðgeva um havið og lívið í havinum.

Plantuplankton

Djóraplankton

Fiskur

Havsúgdjór

Sjófuglur

Havið

Djóralisti

Í havumhvørvinum eru ymisk føðinet. Saman við hita, vindi, ráki og øðrum fysiskum faktorum mynda tey ymsar vistskipanir, so sum vistskipanina inni á firðum og sundum, á Landgrunninum og á opnum havi. Ein einstáttað vistskipan við fáum luttakarum er viðbreknari mótvegis broytingum í havumhvørvinum enn ein fjøltáttað vistskipan við nógvum luttakarum. Tí er týðandi at ansa eftir, at náttúrliga margfeldið verður varðveitt.

Sambandið ímillum verur, ið eta hvørja aðra, nevnist ofta føðinet. Fyrsti liður í føðinetum er plantuæti, sum nørist við sólarljósi og ólívrunnum kolevni og føðslusøltum. Næsti liður er djóraæti, sum etur plantuæti. Og síðani verður etið víðari í føðinetinum av størri og størri djórum, til endaátaran. Tær verur, ið doyggja av sær sjálvum, verða niðurbrotnar til ólívrunnin kolevni og føðslusølt av bakterium – og ringrásin byrjar av nýggjum.

Pulsar í vistskipanini

Sæð okkurt spennandi?

Hevur tú fingið ein sjáldsaman fisk ella sæð okkurt annað áhugavert, vilja vit fegin frætta.

Boða frá her

Djóralisti