Aftur til 
Vís undanfarnu úrslit
Amblyraja hyperborea
Halin er stuttur, um ein triðing av heildarlongdini. Eitt rað av tjúkkum píkum er av nakkanum til ryggfjaðrarnar. Píkarnir í raðnum eru millum 21 og 32 í tali. Annars er hon hvøss um bakið av nógvum smáum píkum. Undir búkinum er hon sløtt. Millum ryggfjaðrarnar er 1 píkur, sjáldan 2 ella eingin. Tranturin er kubbutur, næstan rætthyrntur, og gronin mátað frá eygunum er stutt, minni enn tvær reisir gloppið millum eyguni. Ravarnir framman eru týðiliga innbendir. Hon er oftast bøllut um búkin.
Hon er í køldu høvunum norðanfyri, undir øllum Eysturgrønlandi og um alt havið norðan fyri ryggirnar frá Grønlandi til Skotlands. Úr Baffinsflógvanum til Nýfundlands. Hon er rættiliga vanlig undir Føroyum.
Stødd
Íshavsskøta verður í mesta lagi 85 cm long.
Dýpi
Hon er vanliga úr umleið 250 metrum niður á 1500 metrar, men einstakar eru fingnar djúpari, heilt niður á umleið 2500 metra dýpi.
Litur
Um bakið er hon dimmbrún blágrábrún viðhvørt við bæði ljósum og myrkum blettum. Undir búkinum er hon hvít- ella ljósaflekkut við dimmum, óregluligum blettum. Viðhvørt er meira av dimmum enn av ljósum. Hon er eisini flekkut undir halanum.
Eyðkenni
Tann stutti halin er gott tekin um íshavsskøtu.
Týdningur
Íshavsskøta verður avreidd, men hevur ikki stóran týdning í fiskiskapinum.
| Før: | Íshavsskøta, Lógvaskøta |
| Lat: | Amblyraja hyperborea, Raja hyperborea |
| Dan: | Arktisk rokke |
| Eng: | Arctic skate |
| Fra: | Raie arctique |
| Grø: | Tarraleqisaaq |
| Ísl: | Skjótta skata |
| Nor: | Isskate |
| Pol: | Raja polarna |
| Por: | Raja da Groenlandia |
| Rus: | Servenyj skat |
| Spa: | Raya ártica, Raja da Groenlandia |
| Sve: | Isrocka |
| Týs: | Eisrochen |
16.12.2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastov…
29.11.2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
07.10.2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á for…
16.09.2024
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nø…
22.07.2024
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið m…
17.07.2024
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarn…
27.05.2024
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at d…
15.05.2024
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga…
