Vís undanfarnu úrslit
Nýtt frá merktu springarunum
Havstovan hevur í summar merkt springarar í trimum umførum; fimm springarar í Fuglafirði 10. juni, tveir springarar á Leynasandi 27. august, og tveir springarar í Norðragøtu 30. august. Havstovan takkar øllum, ið á ein og annan hátt hava hjálpt til við merkingunum.
Frá fyrstu merkingini sendir ein springari enn, og hevur hann sostatt sent beint yvir 100 dagar. Hesin springarin fór fyrst norðurum, og haðani eystur í Hetlandsrennuna, har hann hevur verið síðan, í økinum millum Bankaryggin og Fugloyarbanka, kortini mestu tíðina í eystaru hellingini. Hinir springararnir hildu einsæris í ein landsynning, haðani ein fór vesturum, har hann var verðandi, meðan hinir hildu leiðina í Hetlandsrennuna, har sambandið slitnaði.
Teir báðir springararnir frá merkingini í Leynum fóru eisini sundur. Teir ferðaðust fyrst báðir suður móti Bankarennuni, haðani tann eini fór beina kós móti Íslandi, meðan hin fór leiðina norður ígjøgnum Hetlandsrennuna. Hesin springarin, ið sendir enn, hevur síðan ferðast á djúpum vatni sunnarliga í Norskahavinum.
Springararnir frá merkingini í Norðragøtu hava eisini víst ymisk ferðingarmynstur. Eini springarin ferðaðist við lítlari ferð norður í hellingina, og síðan aftur á Fugloyarbanka, har sendarin sløknaði, meðan hin rættiliga miðvíst hevur ferðast alla leiðina vestur móti Eysturgrønlandi.
Viðkomandi tíðindi
Merktu grindirnar tætt saman
Tað var um reppið, at báðar merktu grindirnar møttust á Hatton bankanum, 300 fjórðingar sunnan fyri Føroyar. Men grindirnar heilsaðu kortini ikki upp á hvørja aðra, hóast fjarstøðan eina løtu…
Nú eru tvær merktar grindir
Hin 16. september var ein lítil grind á 20 hval merkt á Klaksvík. Við sera góðari hjálp frá fólki á bátum og á landi var grindin hildin til, og fylgisveinasendarar…
Merktu grind í Klaksvík
Mánamorgunin 16. september lá ein lítil grind á Pollinum í Klaksvík. Av tí at kaggarnir í Norðoyggjum og Eysturoy vóru fullir, varð avgjørt at merkja nakrar hvalir. Tað eydnaðist at…
Merkta grindin sunnan fyri Rockall
Grindahvalirnir, ið vórðu merktir á Fuglafirði 3. september, hava hildið kósina suðureftir, og eru nú komnir suður um Rockall. Hvalirnir ferðaðust fyrst fram við hellingini av bretska landgrunninum, síðan vestur…
