Vís undanfarnu úrslit
Ferblettuta kvoysa
Lepidorhombus boscii
Ferblettuta kvoysa er vinstravendur flatfiskur. Ryggfjøðurin er av gronini aftur á klingruna. Gotfjøðurin er frá gotinum aftur á klingruna. Hesar báðar fjaðrarnar enda inni undir klingruni høgrumegin. Uggafjøðurin hvítumegin er bert til helvtar so stór sum hin. Hon hevur stór eygu, ið sita tætt saman. Høgra eyga er aftari enn vinstra. Strikan er nógv bogin oman fyri uggafjøðurina.
Útbreiðsla
Ferblettuta kvoysa heldur til vestan fyri Bretsku Oyggjarnar suður í Biskayavíkina, við Spania, Portugal og Marokko. Hon er eisini at finna í stórum parti av Miðjarðarhavinum.
Undir Íslandi varð hon fyrstu ferð skrásett í 2008 og við Føroyar á Føroyabanka í 2009.
Stødd
Ferblettuta kvoysa kann verða upp í 45 cm long.
Dýpi
Hon er at finna niður á 800 m dýpi, vanligast á 200-400 m.
Litur
Gulbrún á vinstru síðu, hvít á høgru. Tveir svartir blettir eru aftarlaga á ryggfjøðurini og tveir aftarlaga á gotfjøðurini.
Eyðkenni
Vinstra síða vendir upp. Svørtu blettirnir á rygg- og gotfjøður. Ryggfjøðurin og gotfjøðurin ganga ‘afturum’ yvir á hvítumegin afturi á klingruni.
Týdningur
Ferblettuta kvoysa hevur lítlan vinnuligan týdning.
Nøvn á fiski á øðrum máli
| Før: | Ferblettuta kvoysa |
| Lat: | Lepidorhombus boscii |
| Dan: | Fireplettet glashvarre |
| Eng: | Four spottet megrim |
| Fra: | Cardine à quatre taches |
| Ísl: | Dílakjafta |
| Por. | Areeiro-de-quatro-manchas |
| Sve: | Fyrfläckig var |
| Týs: | Gefleckter Flügelbutt |
Vit viðmæla
Viðkomandi tíðindi
Møguleiki fyri framstigi í stovnsmetingini av svartkjafti
09.06.2026
Tað er eitt úrslit frá verkætlanini Blue Ocean (Blue whiting recruitment, distribution and Ocean-climate processes in the north Atlantic Ridge area), …
Sildakanningar norðanfyri
15.05.2026
Jákup Sverri kom týsdagin 12. mai aftur á Havnina av sildakanningum norðanfyri, eftir at hann og íslendska havrannsóknarskipið, Þórunn Þórðardóttir, f…
Framvegis lítið til av toski á føroyska landgrunninum
25.03.2026
Rannsóknarskipið Jákup Sverri hevur gjørt árligu váryvirlitstrolingina á føroyska landgrunninum, har 92 hál á ein tíma vóru tikin. Nøgdin av toski var…
Fiskur og havumhvørvi á Føroyabanka
26.01.2026
Havstovan bjóðar øllum við áhuga í Føroyabanka, tað veri seg vinnuligt, vísindaligt, politiskt ella alment, at luttaka í einum kunnandi tiltaki um Før…
Framløga á Bátasavninum í Leirvík
09.01.2026
Hósdagin 22. januar 2026 kl. 19 verða nýggj úrslit frá tveimum granskingarverkætlanum løgd fram. Onnur verkætlanin snýr seg um gulllaks, hin um reyðsp…
Tilmæli 2026
22.12.2025
Tann 22. desember 2025 lat Havstovan Tilfeingis- og Vinnumálaráðnum tilmæli um fiskiskap eftir toski, hýsu og upsa í 2026. Mælt verður til, at fiskida…
ICES-tilmæli fyri botnfisk 2026
28.11.2025
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
Fingu egghylkir av ringhávi í trolið
16.10.2025
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlag…
