Vís undanfarnu úrslit
Sævarangi
Normichthys operosus
Bulurin er høgur og nakað smalur aftur til gotið. Ryggfjøður er ein, og hon situr væl aftan fyri miðjuna á fiskinum. Gotfjøðurin situr eitt vet aftari og kemur aftur til tað smalasta á klingruni. Smáar búkfjaðrar sita beint aftan fyri miðjan fiskin, aftur móti gotfjøðurini. Uggafjaðrarnar eru smáar og sita nakað niðarlaga á ugganum. Ein lítil naddi, angi, er í skræðuni beint oman fyri uggafjøðurina. Sævarangi hevur stórt høvd, umleið ella minni enn 1/3 av standardlongdini. Kjafturin kemur ikki aftur um eygað. Hann hevur nakað spíska gron, hon er líka long sum eygnatvørmátið. 2-4 stór og fleiri smá hol eru inn í skræðuna uppi við nakkan, oman fyri kápuna. Strikan er bein.
Útbreiðsla
Hann er út av Lúsabanka til Asoroyggjar og Norðurportugals. Úr Davisfirði til Florida, í Grønlandsfirði, sunnan fyri Ísland til Angola í Útsynningsafrika.
Stødd
Sævarangi verður upp í 16 cm.
Dýpi
Hann er á umleið 1000 metra dýpi.
Litur
Hann er dimmbrúnur.
Eyðkenni
Tættvaksni, lítli fiskurin, stóra høvdið, tann lítli angin yvir uggafjøðurini, holini í skræðuni oman fyri kápuna, og kjafturin kemur ikki aftur um eygað.
Týdningur
Sævarangi hevur ikki vinnuligan týdning.
Nøvn á fiski á øðrum máli
| Før: | Sævarangi |
| Lat: | Normichthys operosus |
| Eng: | Multipore searsid |
Vit viðmæla
Viðkomandi tíðindi
Gróðurin á Landgrunninum met góður í ár
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Jákup Sverri aftur av makreltúri
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Jákup Sverri kannað æti og fiskalarvur á Landgrunninum
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
