Aftur til 
Vís undanfarnu úrslit
Spondyliosoma cantharus
Sjókarpi er tunnur og nakað hávaksin fiskur. Lítið skarð er í høvuðumhvarvinum oman fyri eyguni. Hann hevur roðslu á kápu og kjálkum. Hann hevur eina langa ryggfjøður, eina gotfjøður, ið er minni enn helvtin av ryggfjøðurlongdini. Uggafjøðurin er eitt sindur spísk og er umleið 28% av heildarlongdini. Uggafjøðurfestið er undir fremra enda á ryggfjøðurini, og spíssurin røkkur til oman fyri fremra enda á gotfjøðurini. Búkfjaðrarnar koma næstan til gotið. Høvdið er lítið og tríkantað. Eygnatvørmátið er næstan líka langt sum tranturin. Hann hevur stóran og eitt sindur sýldan stert. Strikan er frá kápuni til miðjan stertin og fylgir boganum á ryggfjøðurini. Í strikuni eru 66-75 roðslur.
Í 2003 varð ein fingin í Nólsoyarfirði, men hann er annars ókendur undir Føroyum. Hann er frá Skandinavia til Namibia, runt Bretsku Oyggjarnar, í Miðjarðarhavinum og Svartahavinum, við Madeira, Kanariuoyggjarnar og Grønhøvdaoyggjarnar.
Stødd
Sjókarpi verður upp í 60 cm langur, vanliga um einar 30 cm.
Dýpi
Hann er bæði við botnin og uppi í sjónum úr 5 m niður á 300 m.
Litur
Hann er silvurgráur við blá-, grøn-, ljósareyðlittum farra um síðurnar. Gronin og høvdið framman eru dimmari. Á síðunum eru nakrar veikar, gyltar strikur, meira og minni samanhangandi. Fjaðrarnar eru dimmar, sterturin hevur svarta rond aftan.
Eyðkenni
Høgi og tunni fiskurin, blanka útsjóndin.
Týdningur
Sjókarpi verður nakað veiddur til matna aðrastaðni.
| Før: | Sjókarpi |
| Lat: | Spondyliosoma cantharus |
| Dan: | Havrude |
| Eng: | Black Seabream |
| Fin: | Meriruutana |
| Fra: | Griset, Dorade grise |
| Gri: | Skathari, Skathári |
| Ita: | Tanuta, Cantareto, Cantaro, Chopa, Choupa |
| Jap: | Kurodai |
| Ned: | Zeekarper |
| Nor: | Havkarudse, Havkaruss |
| Pol: | Kantar |
| Por: | Choupa |
| Spa: | Choupa, Càntera, Pañosa, Pargo chopa, Pargo chopra |
| Sve: | Havsruda |
| Týs: | Streifenbrasse, Dorade, Meerbrasse, Seekarfe |
| USA: | Black seabream |
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
