Aftur til 
Vís undanfarnu úrslit
Nerophis ophidion
Hann er langur og klænur. Hann hevur eina ryggfjøður, ið situr framman fyri miðjuna. Gotið situr undir fremru helvt á ryggfjøðurini. Tjúkkastur er hann framman fyri ryggfjøðurina. Aftanfyri smalkar hann aftureftir út í spíss. Hann hevur hvørki stert ella uggafjaðrar. Ringar eru tvørtur um kroppin, 28-32 framman fyri gotið og 68-82 aftanfyri. Høvdið er lítið afturímóti á øðrum sjónálum, og tað er tranturin eisini.
Hann er frá Vestur- og Suðurnoregi til Marokko. Við Bretsku Oyggjarnar og í Biskeia, Skagerrak, Kattegat og inn í Eystarasalt. Í Miðjarðarhavinum fram við landi og í Svartahavinum. Nevdregil er ikki sæddur undir Føroyum síðan 1866, tá tveir sigast at vera fingnir her.
Stødd
Kvennfiskar verða upp í 30 cm langir, og kallfiskar verða upp í 29 cm langir.
Dýpi
Nevdregil er inni við land í taranum, úr 2 m niður á 15 m dýpi.
Litur
Hann er brúngrønur um bakið. Ljósagrønur um síðurnar, onkuntíð blettutur.
Eyðkenni
Hann er ógvuliga klænur fiskur. Gotið og lítla høvdið.
Týdningur
Hann hevur ikki vinnuligan týdning.
| Før: | Nevdregil, Sjónál |
| Lat: | Nerophis ophidion |
| Dan: | Stor næbsnog |
| Eng: | Straightnose pipefish |
| Fin: | Siloneula |
| Fra: | Nérophis ophidion, Nerophis |
| Ísl: | Sænál |
| Ita: | Pesce ago sottile, Nerofide cristata |
| Nor: | Liten havnål, Lita havnål, Slangenål |
| Por: | Cavallo marinho pequeno |
| Rus: | Morskaja igla ryba |
| Spa: | Caprachito venenoso |
| Sve: | Mindre havsnål, Vanlig havsnål |
| Týs: | Kleine Schlangennadel |
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
