Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Tíðindi
Jákup Sverri
Tilmæli
Havið
Djóralisti

Súgari

Petromyzon marinus

Fiskalisti

Hann er langur og mjáur fiskur, tvørskurðurin er rundur. Tvær ryggfjaðrar eru aftarlaga á sporlinum. Hann hevur eina lítla gotfjøður, og hann hevur ikki uggafjaðrar ella búkfjaðrar. Sjey smá, rund táknaop eru í eini linju aftur frá eyganum. Fremst undir gronini hevur hann stóran, rundan súgvikjaft við nógvum rasputonnum. Slenutur og smeðin. Anadromur fiskur.

Útbreiðsla

Súgari er báðumegin Atlantshav. Frá Grikkalandi vestur ígjøgnum Miðjarðarhavið og norður í Norðsjógvin til Íslands og í Barentshavið. Hann er somuleiðis í syðra parti av Eystarasalti. Er rættiliga vanligur í føroyskum sjógvi. Vestanfyri er hann frá Labrador til norðara part av Meksikoflógvanum.

Stødd

Súgari verður í mesta lagi 100 cm langur, vanliga 60-70 cm.

Dýpi

Undan vatnskorpuni og úr fjøruni út á um 1100 metrar, bæði í miðjum sjógvi og við botnin.

Litur

Súgari er blásvartur ella brúnligur á bakinum, viðhvørt við grábláum ella ymiskt littum blettum. Liturin á bakinum er ójavnt slettur niður á síðurnar. Undir búkinum er hann ljóst gráligur. Ungir fiskar eru ljóst gulhvítligir undir búkinum og blásvartir við einum farra av silvurliti aftur eftir bakinum.

Eyðkenni

Állaskap, rundan súgvikjaft, tey sjey táknaopini og ongar uggafjaðrar ella búkfjaðrar.

Týdningur

Onkustaðni verður hann etin, men annars ikki vinnuligan týdning.

Nøvn á fiski á øðrum máli
Før:Súgari, Kjølsúgari
Lat:Petromyzon marinus
Dan:Havlampret, Havniøje
Eng:Sea lamprey, Lamper eel, Nannie nine eyes, Niner, Ramper eel, Ramplon, Stone sucker
Fin:Merinahkiainen
Fra:Lamproie marine, Anguille lampresse, Anguille musique, Grande lamproie, Lampra, Lampria, Lamprua, Llampresa
Gri:Petromyzon
Grø:Ivik
Ísl:Steinsuga, Sæsteinsuga
Ita:Lampreda di mare, Lampreda marina
Ned:Zeeprik, Bonte negenoog, Zeelamprei
Nor:Havlampret, Havniauge, Havniøye
Pol:Minóg morski, Morski minog
Por:Lampreia do mar
Rus:Morskaja minoga
Sco:Lamper eel, Nine-e’ed eel, Niner, Ramper eel, Ramplon
Spa:Lamprea, Lamprea de mar, Lamprea marina
Sve:Havsnejonøga
Týs:Meerneunauge, Zeelamprete
USA:Sea lamprey, Shad lamprey, Sucker

Vit viðmæla

Viðkomandi tíðindi

Øll tíðindi
  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira

  • Jákup Sverri aftur av makreltúri

    Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi

    Les meira

  • Jákup Sverri kannað æti og fiskalarvur á Landgrunninum

    Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…

    Les meira

  • Jákup Sverri liðugur við sildakanningar

    Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…

    Les meira