Aftur til 
Vís undanfarnu úrslit
Trisopterus minutus
Glýsa hevur tríggjar ryggfjaðrar og tvær gotfjaðrar. Tann fremsta ryggfjøðurin er stutt og høg, tríhyrnt, og fremsti teinur stingur upp úr hinum. Mittasta ryggfjøður hevur sama skap og stødd sum fremra gotfjøður, men er heldur lægri. Aftasta ryggfjøður er eins og aftara gotfjøður, tær eru um helvt til støddar sum fremra gotfjøður. Uggafjaðrarnar og búkfjaðrarnar eru smáar. Búkfjaðrarnar eru smalar, og fremsti teinur er væl longri enn hinir og røkkur, nakað ymiskt frá fiski til fisk, aftur móti gotfjøðurini. Sterturin er beinur aftan. Strikan er nakað bogin oman fyri uggafjøðurina. Hon hevur finnu umleið 3/4 av eygnatvørmátinum. Hon hevur lítið yvirbit. Eygnatvørmátið er størri enn gronin. gotið er heldur fremri enn aftari endi á fremsta ryggfjøðurfesti.
Glýsa er vanligur fiskur á Føroyabanka, minni vanlig á landgrunninum. Annars frá Miðnoregi til Marokko. Hon er í Norðsjónum, Skagerrak og Kattegat, kring Bretsku oyggjarnar og í Biskeiavíkini. Í Miðjarðarhavinum.
Stødd
Glýsa verður í minsta lagi upp í 40 cm long, men vanliga í veiðuni er hon 20 til 30 cm.
Dýpi
Hon er úr 10 niður á 300 metra dýpi, sjáldan djúpari enn 200 m.
Litur
Glýsa er gulbrún á bakinum, kanska við einum grønligum farra. Síðurnar eru hvítar blankar, og serliga kjálkarnir skína sum silvur. Hon hevur lítlan, svartan blett við uggafjaðrafestið.
Eyðkenni
Hon líkist mest hvítingsbróðir, sum tó hevur lítið undirbit. Búkfjaðrarnar koma aftur um gotið. Hon hevur lítið yvirbit, stóra finnu og stór eygu.
Týdningur
Undir Føroyum hevur hon ikki vinnuligan týdning, men aðrastaðni verður hon veidd til ídnað og matna.
| Før: | Glýsa, Glýsufiskur |
| Lat: | Trisopterus minutus |
| Dan: | Glyse |
| Eng: | Poor cod |
| Fin: | Pikkuturska |
| Fra: | Capailla, Capelin, Fico, Figo, Le Petit tacaud, Pesci fica |
| Ísl: | Dvergþoskur |
| Ita: | Merluzzo cappellano, Merluzetto, Mormoro, Pesce mudo |
| Ned: | Dwergbolk, Molenaar |
| Nor: | Sypike, Hyse, Kolge, Kongefisk |
| Pol: | Karlik |
| Por: | Fanecão |
| Spa: | Capellán, Capella, Mollera |
| Sve: | Glyskolja, Bottenglysa, Glysa, Lubb |
| Týs: | Zwergdorsch |
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
