Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Tíðindi
Jákup Sverri
Tilmæli
Havið
Hiti og salt Rák Havsúrgan
Djóralisti

Blettuta hornabrosma

Gaidropsarus vulgaris

Fiskalisti

Blettuta hornabrosma er langvaksin og eitt sindur tjúkk. Tvey horn eru við nasagluggarnar, og triðja hornið er finnan á lippuni. Hon hevur tvær ryggfjaðrar. Tann fremra er stutt og lág og stendur í eini foyru á bakinum, og fremsti teinur er eitt vet hægri enn hinir og er styttri enn eygnatvørmátið. Fremra ryggfjøðurin er av nakkanum til umleið yvir hálvar uggafjaðrarnar. Aftara ryggfjøður er høg og long. Hon byrjar beint aftan fyri fremru ryggfjøður og røkkur næstan aftur til stertin. Eina gotfjøður frá stertinum fram um hálvan fiskin. Uggafjaðrarnar eru rættiliga stórar og rundar. Búkfjaðrarnar eru smáar, men næstfremstu teinarnir eru væl longri enn hinir. Sterturin er heldur stórur og væl rundaður. Høvdið er breitt og heldur stórligt. Kjafturin er stórur og kemur langt aftur um eyguni. Strikan er nógv bogin yvir uggafjøðurini.

Útbreiðsla

Blettuta hornabrosma er undir Føroyum til Noregs, suður við strondunum í Evropa og inn í Miðjarðarhavið. Hon er eisini í Kattegat og Skagerrak. Er eisini fingin undir Íslandi.

Stødd

Blettuta hornabrosma verður upp í 60 cm long. Tann størsta, ið veidd er undir Føroyum, var 45 cm.

Dýpi

Hon er úr fjøruni og út á minst 130 metra dýpi.

Litur

Blettuta hornabrosma er tann ‘reyðasta’ av hornabrosmunum. Um bakið er hon reyð ella reyðbrún. Undir búkinum er hon ljósareyð, laksalitt. Hon hevur stórar, ójavnar, myrka brúnligar blettir á høvdinum, bulinum og sporlinum, umframt á stertinum, uggafjaðrunum og ryggfjaðrunum.

Eyðkenni

Tvey horn og finna. Longdin á fremsta teini í fremru ryggfjøðurini. Tann reydligi liturin. Myrkabrúnligu blettirnir á høvdinum, fjaðrunum og bakinum.

Týdningur

Blettuta hornabrosma hevur ikki vinnuligan týdning

Nøvn á fiski á øðrum máli
Før:Blettuta hornabrosma, Tríhyrnta hornabrosma
Lat:Gaidropsarus vulgaris, Gaidropsarus tricirratus, Onos tricirrata
Dan:Tretrådet havkvabbe
Eng:Three bearded rockling, Whistler
Fin:Rantamade, Kolmiviiksinen merimade
Fra:Motelle commune, Aholatza, Blountek, Lochet, Loquette, Motelle á trois barbillons
Ísl:Blettabyrfill
Ita:Motella maculata, Pecorella
Ned:Driedradige meun
Nor:Treskjegget tangbrosme, Tretrådet tangbrosme
Por:Laibeque, Larote, Lulâo, Pico d’el rei
Rus:Trehusyj nalim
Spa:Lota, Abarbada, Madre angula, Mostel
Sve:Tretømmad skärlånga
Týs:Dreibärtelige Seequappe

Vit viðmæla

Viðkomandi tíðindi

Øll tíðindi
  • Jákup Sverri fiskar til Sjósavnið

    Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…

    Les meira

  • Meir av toski og nógv av hýsu

    Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…

    Les meira

  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira

  • Jákup Sverri aftur av makreltúri

    Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi

    Les meira