Aftur til 
Vís undanfarnu úrslit
Ammodytes marinus
Havnebbasild hevur langan og klænan kropp, langt og spískt høvd, rundligan tvørskurð. Hon hevur eina langa ryggfjøður, ið byrjar frammarlaga á bakinum og kemur næstan aftur í klingruna. Hon hevur eina gotfjøður, ið er helvtina so long sum ryggfjøðurin og gongur líka langt aftur. Endin á uggafjøðurini kemur aftur undir fremra enda á ryggfjøðurini. Roðsla er um allan kroppin. Havnebbasild verður greind frá lítlu nebbasild m.a. á tí, at roðslan undir búkinum er fløkjaliga sett, ikki í beinum røðum, og at hon kemur ikki aftur á stertarótina. Sterturin er sýldur. Hon hevur ikki búkfjaðrar. Yvirkjafturin kann skjótast fram. Hon hevur ikki spískar tenn í gómanum.
Undir Føroyum er hon á landgrunninum og á Føroyabanka. Hon er runt Bretsku Oyggjarnar, frá Bretagne, norður til Novaja Semlja og Bjarnoynna. Hon er undir Íslandi og Grønlandi, í Norðsjónum og í vestara parti av Eystarasalti.
Stødd
Havnebbasild verður upp í umleið 25 cm long.
Dýpi
Hon er út á umleið 150 m dýpi.
Litur
Havnebbasild er grønblá um bakið, blá um síðurnar og silvurhvít undir búkinum. Á høvdinum er skarpt mark millum tað myrka ovari og tað ljósa niðari.
Eyðkenni
Hon hevur ikki svartan blett við nasagluggarnar. Uggafjøðurlongd. Roðslan er ikki aftur á stertin og er óregluliga sett undir búkinum.
Týdningur
Í Føroyum hevur hon ikki havt vinnuligan týdning, men aðrastaðni verður hon nógv veidd.
| Før: | Havnebbasild, Nebbasild |
| Lat: | Ammodytes marinus |
| Dan: | Havtobis |
| Eng: | Lesser sandeel, Hornel, Raitt’s sandeel |
| Fra: | Equille |
| Grø: | Putooruttoq |
| Ísl: | Marsíli, Mararsíli |
| Ita: | Cicerello |
| Ned: | Noorse zandspiering, Zandspiering |
| Nor: | Havsil, Tobis småsil |
| Spa: | Aguacioso, Lanzon voladores |
| Sve: | Havstobis, Blåtobis |
| Týs: | Kleiner Sandaal, Kleiner Sandspierling, Tobiasfisch, Tobis |
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
