Vís undanfarnu úrslit
Merkta grindin ferðast suðureftir
Við góðari hjálp frá sýslumanni, grindaformonnum og fólki annars á báti og sandi, varð ein grind merkt í Sandavági mikudagin 19. juli 2023. Ein bólkur á umleið 40 hval var á vágni, harav eini 15 hval gjørdu landgongd. Fimm grindahvalir fingu fylgisveinasendarar festar á hornið, og síðan varð øll grindin slept. Tað tók umleið trý korter at merkja og takkar Havstovan øllum fyri góða hjálp.Eftir at vera farin av Sandavági, helt grindin leiðina suðureftir, fram við Sandoynni og í Suðuroyarfjørð. Haðani fór hon vestur um Suðuroynna, og er síðan komin suður um Sumbiarstein.
Viðkomandi tíðindi
Merktu grindirnar støðufastar
Enn riggar ein sendari á hvørjum av grindunum, sum vórðu merktar á Fuglafirði 3. september og á Klaksvík 16. september. Hvørgin av merktu grindunum hava seinastu vikurnar ferðast serliga víða.…
Merktur grindahvalur kavar djúpt
Tann merkti grindahvalurin úr Fuglafirði, hvørs sendari enn riggar, hevur kavað niður á yvir 1100 metra dýpi. Hetta er djypsta kav, ið er skrásett fyri ein grindahval, merktur í Føroyum.…
Merkt grind ferðast støðugt suðureftir
Grindin, ið varð merkt á Klaksvík fyri mánaði síðan, ferðast uttan íhald og støðugt suðureftir. Teinurin, hon hevur ferðast, er 1200 fjórðingar, og er hon nú komin suður á 52.…
Merkt grind á Føroyabanka
Tann merkta grindin úr Fuglafirði hevur nú verið ein túr á Føroyabanka. Eftir at grindin mundi møtt merktu klaksvíksgrindini á Hattonbanka fyri viku síðan, fór hon suður aftur í Hattondýpið,…
