Vís undanfarnu úrslit
Lítliglámur
Xenodermichthys copei
Lítliglámur er lítil fiskur, tjúkkastur um uggafjaðrarnar. Høvdið er minni enn 1/3 av standardlongdini. Gronin er stutt og kubbut. Eygnatvørmátið er longri enn gronin. Yvirkjafturin kemur inn mitt undir eyguni. Hann hevur eina ryggfjøður og eina gotfjøður. Tær sita afturi á sporlinum. Hann hevur ikki roðslu. Nógv heilt smá ljósgøgn eru óregluliga runt á fiskinum.
Útbreiðsla
Lítliglámur er sunnan fyri ryggirnar Grønland/Skotland og er fingin beint sunnan fyri føroyska sjómarkið umframt á Íslandsrygginum. Hann er annars við Suðurafrika, í Indiahavinum og Kyrrahavinum.
Stødd
Lítliglámur verður ikki longri enn 20 cm.
Dýpi
Hann er á 100 m, niður á 2650 m dýpi, vanliga í hellingunum.
Litur
Hann er svartur.
Eyðkenni
Liturin, stutta gronin og stóru eyguni.
Týdningur
Lítliglámur hevur ikki vinnuligan týdning.
Nøvn á fiski á øðrum máli
| Før: | Lítliglámur |
| Lat: | Xenodermichthys copei, Xenodermichthys socialis |
| Dan: | Kortsnudet glathovedfisk |
| Eng: | Bluntsnout smoothhead, Black slickhead |
| Fra: | Gymnaste atlantique |
| Ísl: | Bersnati |
| Jap: | Ko-tsubuiwashi |
| Sve: | Slät djuphavsfisk |
| USA: | Atlantic gymnast |
Vit viðmæla
Viðkomandi tíðindi
ICES-tilmæli fyri botnfisk 2025
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Jákup Sverri fiskar til Sjósavnið
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Meir av toski og nógv av hýsu
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Gróðurin á Landgrunninum met góður í ár
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
