Aftur til 
Vís undanfarnu úrslit
Nesiarchus nasutus
Nasi er mjávaksin fiskur, hægri enn breiður. Hann er spískur framman og aftan. Hann hevur tvær ryggfjaðrar, sum eru samanvaksnar, tann fremra hevur beinteinar og er long og lág, av nakkanum aftur til sporlið. Tann aftara hevur bleytar teinar og er á sporlinum, stutt, men hægri enn tann fremra. Gotfjøðurin er mest lík aftaru ryggfjøðurini. Tveir píkar eru framman fyri gotfjøðurina, tann fremri er størri. Aftast eru tvær smáfjaðrar, bæði undir og yvir. Hann hevur smáar uggafjaðrar og smáar búkfjaðrar, lítið sýldan stert. Strikan er næstan bein og gongur úr stertinum og upp á nakkan. Hann hevur stórt undirbit. Trantur er fram úr undirkjaftinum.
Nasi er fingin í føroyskum sjógvi sunnan fyri bankarnar vestanfyri og á Íslandsrygginum, men er ikki so vanligur her um leiðir. Í Atlantshavinum er hann annars undir Noregi og Íslandi til Kanariuoyggjarnar, Madeira, Asoroyggjarnar til Suðurafrika. Hann er vestanfyri frá Flemish Cap og Karibiaoyggjunum til Brasil og Argentina. Hann er eisini í Indiahavinum og Kyrrahavinum.
Stødd
Nasi verður upp í umleið 130 cm langur.
Dýpi
Hann er úr 200 m niður á 1200 m, bæði við botnin og uppi í sjónum.
Litur
Hann er dimmbrúnur ella svartur um bakið, við viólbláum farra um síðurnar og undir búkinum. Strikan er hvít. Fjaðrarnar eru svartar, og hann er svartur inni í kjaftinum.
Eyðkenni
Hvíta strikan. Smáu fjaðrarnar á klingruni. Spíska gronin. Hørðu og bleytu ryggfjarðateinarnir.
Týdningur
TNasi hevur ikki vinnuligan týdning í Føroyum og lítlan týdning aðrastaðni.
| Før: | Nasi |
| Lat: | Nesiarchus nasutus |
| Azo: | Escolar |
| Dan: | Geddetryne |
| Eng: | Escolar, Black gemfish |
| Fra: | Escolier long nez |
| Ísl: | Nasi, Sløngumakríll |
| Jap: | Hashinagakurotachi |
| Nor: | Havgjedde |
| Por: | Peixe espada preto |
| Rus: | Neziarkh |
| Spa: | Escolar narigudo |
| Sve: | Svart ädelstenfisk, Havsgädda |
| USA: | Black gemfish, Violet snake mackerel |
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
