Aftur til 
Vís undanfarnu úrslit
Rajella fylla
Umleið seks stórir píkar eru við innara eygnakant. Ein stórur píkur er aftan fyri hvørt eyga. Stórir píkar eru mitt eftir gronini og aftur á herðarnar. Nógvir stórir og smáir píkar eru mitt eftir bakinum og út á halan. Annars er skivan sett við heilt smáum píkum, kennist hvøss. Dømi um píkar á tveimum 50 cm longum klingruskøtum: á bakinum/halanum 54/69 og 48/110 píkar. Eitt band av smápíkum er viðhvørt á hvørjum rava nakað inn frá kantinum. Halin er um 54% av heildarlongdini, og millum ravaendarnar eru um 53%. Á ungum fiskum er skivan næstan rund og gronin stutt. Á eldri fiskum verða fremru ravakantarnir týðiliga bogaðir inní, og gronin verður longri.
Við Bretagne og vestan fyri Bretsku Oyggjarnar til Føroya og Íslands. Við Hetland til Vesturnoregs, norður við strondini til Svalbarðs. Vestanfyri er hon í Grønlandi og við Labrador til Nova Scotia.
Stødd
Klingruskøta verður í mesta lagi 56 cm long.
Dýpi
Hon er úr 170 m dýpi og djúpari enn 2000 m.
Litur
Á bakinum er klingruskøta grábrún, tykist at hava bláligan ella viólbláan farra. Hon er ljósari um nakkan og út móti ravakantunum. Kámir, myrkir blettir eru ymsastaðni á skivuni. Undir búkinum er hon aloftast gráhvítviólbláflekkut.
Eyðkenni
Skivan er á stødd við eina pannukøku. Teir rundu ravarnir, nógvu píkarnir og tann langi halin.
Týdningur
Klingruskøta hevur ikki vinnuligan týdning.
| Før: | Klingruskøta |
| Lat: | Rajella Fyllae, Raja Fyllae |
| Dan: | Fyllas rokke, Fyllaes rokke, Rundrokke |
| Eng: | Round ray |
| Fin: | Fyllan rausku |
| Fra: | Raie ronde |
| Grø: | Tarraleqisaaq |
| Ísl: | Pólskata |
| Nor: | Rundskate |
| Pol: | Raja listnik |
| Por: | Raia |
| Rus: | Kruglyj skat |
| Spa: | Raya redonda |
| Sve: | Rundrocka |
| Týs: | Fyllas Rochen |
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
