Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Sæð okkurt spennandi? Ofta spurt Búmerki

Grønakrutt

Taurulus bubalis

Fiskalisti

Grønakrutt hevur stórt høvd, er tjúkkast beint aftan fyri høvdið og mjækkar aftur til klingruna. Tað hevur tvær næstan samanvaksnar ryggfjaðrar, tann fremra við hørðum og hin aftara við bleytum teinum. Gotfjøðurin er umleið so stór sum fremra ryggfjøðurin. Tað hevur stórar uggafjaðrar og smalar og langligar búkfjaðrar. Sterturin er eitt sindur rundaður aftureftir og er hampiliga stórur. Tveir píkar eru framman fyri eyguni og tveir uppi á nakkanum. Tann ovasti av teimum fýra píkunum á kápuni kemur aftur um kantin á kápuni. Píkurin er størri enn eygnatvørmátið og er ikki skræðuklæddur um endan. Strikan er sett við smáum píkum, serliga fremst.

Útbreiðsla

Grønakrutt er rættiliga vanligt undir Føroyum. Frá Norðurnoregi suður í Eystarasalt til Álandsoyggjarnar. Í Norðsjónum, við Bretsku Oyggjarnar, í Biskeiavíkini og inn í Miðjarðarhavið til Genovavíkina.

Stødd

Grønakrutt verður upp í 18 cm langt, undir Føroyum vanliga úr 9 upp í 12 cm.

Dýpi

Tað er úr fjøruni út á 20 metrar. Aðrastaðni er okkurt hendinga tó fingið á 100 metra dýpi.

Litur

Tað er oftast brúnligt, men viðhvørt grønligt ella reydligt, rustlitt, við 4 óregluligum, dimmbrúnum bondum tvørtur um síðurnar. Gulligt er tað niðast um síðurnar og appilsinreytt undir búkinum. Kallfiskar í gýting hava bláhvítar blettir um búkin. Eftir fjaðrunum eru dimm longdarbond. Á uggafjaðrunum eru hvítligir blettir undir. Búkfjaðrarnar eru flekkutar svartar / hvítar.

Eyðkenni

Ovasti píkurin kemur aftur um kantin á kápuni. Beinkenda strikan. Onga beinkenda striku oman fyri strikuna, sum lítlakrutt.

Týdningur

Grønakrutt hevur ikki vinnuligan týdning.

Nøvn á fiski á øðrum máli
Før:Grønakrutt
Lat:Taurulus bubalis, Acanthocottus bubalis
Dan:Langtornet ulk, Den grønne ulk
Eng:Long spined bullhead, Camper, Father Lasher, Long spined sea scorpion, Lucky proach, Plucker, Sea scorpion, Sutor
Fin:Pikkisimppu, Pikku horkeli, Sjalstarka
Fra:Chabot de me, Chaboisseau de mer, Chabot buffle
Ísl:Græni marhnútur
Ned:Groene Zeedonderpad
Nor:Dvergulke, Bergulk, Jornulk, Småulke
Pol:Kur glowacs
Por:Escorpião-roco, Peixe diablo, Sarronca
Rus:Byichok bujvol, Bylok bujvol
Sve:Oxsimpa, Dvärgsimpa
Týs:Seebull, Blauer Knurrhahn, Blauer Seeskorpion, Gemeiner Seebull, Langstacheliger Seeskorpion
USA:Rock sculpin

Vit viðmæla

Viðkomandi tíðindi

Øll tíðindi
  • ICES-tilmæli fyri botnfisk 2025

    Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…

    Les meira

  • Jákup Sverri fiskar til Sjósavnið

    Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…

    Les meira

  • Meir av toski og nógv av hýsu

    Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…

    Les meira

  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira