Aftur til 
Vís undanfarnu úrslit
Argyropelecus olfersi
Silvurøks er hávaksin og smalur fiskur, stutt, borin saman við hæddina. Hon hevur stóran, upprendan kjaft. Eyguni venda uppeftir og sita ovarlaga á høvdinum. Stór og týðilig ljósgøgn eru undir búkinum, fram við kjølinum. Hon hevur hvast kjalarskrubb.
Silvurøks er frá Qaqortoq (Julianehaab) og Ittoqqortoormiit (Scoresbysundi) í Grønlandi, til Íslands, Føroya, Noregs, vestan fyri Bretsku Oyggjarnar, Kanariuoyggjarnar og suður um Suðurafrika og í ein útsynning úr Suðurafrika. Í Kyrrahavinum millum 30° og 50°S. Undir Føroyum sæst hon javnan.
Stødd
Silvurøks verður upp í 10 cm, men vanliga er hon 6-8 cm.
Dýpi
Hon er uppsjóvarfiskur í djúpu høvunum á dýpi millum 100 m og 800 m.
Litur
Um bakið er hon dimm, svartblá, liðirnar eru silvurlittar.
Eyðkenni
Støddin, skapið, ljósgøgnini og sterki silvurliturin.
Týdningur
Silvurøks hevur ikki vinnuligan týdning.
| Før: | Silvurøks |
| Lat: | Argyropelecus olfersi |
| Dan: | Sølvøkse |
| Eng: | Silver hatchetfish, Hatchet fish |
| Fin: | Helmiaiskala |
| Fra: | Hache d’argent |
| Ísl: | Norræni silfurfiskur, Silfurfiskur |
| Nor: | Stor perlemorsfisk |
| Pol: | Topornik krepy |
| Por: | Pai velho |
| Spa: | Hachita, Pez hacha, Pez hacha luminoso |
| Sve: | Pärlemorsfisk, Olfers ptrigonollattfisk, Olfers silveryksa |
| Týs: | Perlmutterfisch, Silberbeil |
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
