Vís undanfarnu úrslit
Tilmæli 2025
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025.
Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri toskastovnin á Landgrunninum síggjast ávís tekin til bata, men av tí, at stovnurin enn er undir vandamarkinum, verður mælt til at minka fiskidagarnar hjá øllum skipabólkum í fiskidagaskipanini við 10%. Hetta er í samsvar við dagførdu endurbyggingarætlanina í umsitingarætlanini fyri tosk, hýsu og upsa á Landgrunninum, og er eitt neyðugt stig fyri at endurreisa toskastovnin á Landgrunninum.
Harumframt verður mælt til at tillaga gýtingarfriðingarnar til at umfata allan reiðskap og at steingja økir fyri vinnuliga veiðu, har smáfiskur heldur til.
Fyri Føroyabanka verður mælt til, at fiskidagatalið í 2025 verður 150 fiskisdagar hjá einum blandingi av stórum og smáum fiskiførum við húki (línu ella snellu). Hetta er sama dagatal, sum var tilmælt fyri 2024.
Samanumtikið eru fleiri av høvuðsbotnfiskastovnunum væl fyri, men vánaliga støðan hjá toskinum á Landgrunninum hevur við sær, at mælt verður til at fylgja endurbyggingarætlanini og skerja fiskidagarnar 10%.
Tilmælið sæst her.
Viðkomandi tíðindi
Tilmæli 2025
16.12.2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastov…
ICES-tilmæli fyri botnfisk 2025
29.11.2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
Hans Petur Djurhuus vann lutakastið
15.11.2024
Fríggjardagin 15. november 2024 var árliga lutakastið um 12.500 kr millum teirra, ið hava latið fiskamerkir inn farna árið. Tað var Hans Petur Djurhuu…
ICES-tilmæli fyri uppsjóvarfisk í 2025
30.09.2024
ICES-tilmæli fyri uppsjóvarfisk í 2025 Mest loyvda veiða í 2025 lækkar munandi fyri makrel og nakað fyri svartkjaft, meðan ein lítil hækking er í tilm…
Meir av toski og nógv av hýsu
16.09.2024
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nø…
Minni av toskayngli í ár
15.08.2024
Tað vístu yngul- og ætikanningarnar í 2024, sum vórðu gjørdar við Jákup Sverra í seinnu helvt av juni. Kanningarnar á Landgrunninum vístu, at nøgdin a…
ICES-tilmæli fyri djúphavsfiskar
18.06.2024
Altjóða havrannsóknarstovnurin ICES kunngjørdi 7. juni 2024 nýggjastu ráðgevingina fyri veiðuna í 2025 fyri ymiskar fiskastovnar á djúpum vatni. Flest…
Er glotti at hóma hjá botnfiski í 2024?
10.04.2024
Føroyski toskastovnurin er vorðin søguliga lítil, og hetta er helst úrslit av bæði ovurfiskiskapi og broytingum í havumhvørvinum. Týdningarmikið, og a…
