Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Sæð okkurt spennandi? Ofta spurt Búmerki

Gráhávur

Galeorhinus galeus

Fiskalisti

Hann er mjáur og smidligur hávur við longum spískum høvdi, ið er umleið 20% av heildarlongdini. Gráhávur hevur tvær ryggfjaðrar, báðar tríhyrntar. Tann fremra er væl størri enn aftara. Fremri endi hennara er uppi yvir innara horni á uggafjøðurini. Aftara ryggfjøðurin og gotfjøðurin eru eins stórar. Uggafjaðrarnar eru stórar og tríkantaðar. Gráhávur hevur fimm smá táknaop, og andahol aftan fyri eygað og tríkantaðar ’hávatenn’, sum eru eins í báðum kjaftum. Hann hevur eygnalok. Stórt skarð er inn í stertin, og sterturin er nakað upprendur. Lítið sæst til strikuna.

Útbreiðsla

Undir Føroyum er hann skrásettur fáar ferðir. Er annars frá Tróndheimsleiðini og Suðurlandinum í Íslandi til Asoroyggjarnar. Í Indiahavinum við Suðurafrika. Í Miðjarðarhavinum, vestarumegin í Suðuratlantshavinum og í Kyrrahavinum.

Stødd

Gráhávur verður upp í 2 metrar, men vanliga ikki størri enn 150 cm.

Dýpi

Hann er uppsjóvar- og botnfiskur, úr vatnskorpuni niður á 50 metra dýpi.

Litur

Gráhávur er myrkagráur á bakinum, ljósari um síðurnar og næstan hvítur undir búkinum. Hann kann eisini vera stálgráur ella brúnur-ljósabrúnur á bakinum.

Eyðkenni

Hann er smidliga vaksin, hevur gotfjøður og andahol og hevur ikki ‘kjøl’ á síðunum á klingruni.

Týdningur

Hjá føroyingum hevur hann ikki vinnuligan týdning.

Nøvn á fiski á øðrum máli
Før:Gráhávur
Lat:Galeorhinus galeus
Azo:Cação
Dan:Gråhaj
Eng:Tope shark, Hundshai, Penny’s dog, Schnapper shark, School shark, Sharpie shark, Sweet William shark, Tope, Vitamin shark
Fin:Harmaahai, Harmaa karahai
Fra:Cagnot, Canicule, Chien de mer, Chien hâ, Émissole, Gat, Grand touille, Hâ, Halt, Haut Hau, Milandre, Mor c’haz, Pal, Pallon, Palloun, Paloun, Requin hâ, Tchi
Gri:Skylos drossiti, Galeos, Galéos drossítis, Skylogaleos
Ísl:Gráháfur
Ita:Canesca, Can negro, Galeo canesca
Jap:Eirakubuka
Ned:Ruwe haai, Grijze haai, Steenhaai
Nor:Gråhai, Gråhå
Pol:Rekin szary
Por:Perna de moça, Caçâo, Chiâo, Chona, Dentudo
Rus:Seraja akula
Spa:Tollos, Aceitero, Bostrich, Bostrio, Caçó, Cámari, Cazón, Gason, Gazon, Musola, Mussola carallo, Pez peine, Tolla, Tollo
Sve:Gråhaj, Bethaj, Bithaj, Håstørgen, Håstørje
Týs:Biethai, Großer Hundshai, Hundshai

Vit viðmæla

Viðkomandi tíðindi

Øll tíðindi