Vís undanfarnu úrslit
Føroyahávur
Scymnodon obscurus
Hann hevur tvær smáar ryggfjaðrar og lítlan pík framman fyri ryggfjaðrarnar. Tann fremra situr mitt á fiskinum. Hin aftara er heldur størri enn tann fremra og kemur ikki aftur móti stertinum. Hann hevur smalar uggafjaðrar, sum ikki røkka aftur til fremru ryggfjøður. Miðjan á búkfjaðrafestunum situr undir fremra enda á aftaru ryggfjøður. Sterturin er stuttur við stórum, rundum skarði millum ovara og niðara stertablað. Høvdið er um 23% av heildarlongdini. Hann hevur 5 smáar táknarivur framman fyri uggafjaðrarnar. Gronin er eitt sindur longri enn kjaftbreiddin. Andahol.
Útbreiðsla
Føroyahávur er bert fingin eina ferð her um leiðir, í Rósugarði á Íslandsrygginum. Hann er annars frá Vesturafrika til Madeira og vestureftir til Suðurbrasil og Meksikoflógvan.
Stødd
Føroyahávur kann gerast í minsta lagi 80 cm langur.
Dýpi
Hann er botnfiskur og miðsjóvarfiskur, úr 200 m og djúpari. Tað er óvist, hvussu djúpt hann fer, men møguliga niður á 1450 m.
Litur
Javnbrúnur.
Eyðkenni
Hann er smidligur fiskur. Miðjan á fremru ryggfjøðurini er mitt á fiskinum. Aftari endi á búkfjaðrafestinum er mitt undir aftaru ryggfjøður.
Týdningur
Hann hevur ikki vinnuligan týdning.
ES
Íslendskir fiskifrøðingar góvu hesum hávi navnið færeyjaháfur.
Nøvn á fiski á øðrum máli
| Før: | Føroyahávur |
| Lat: | Scymnodon obscurus |
| Eng: | Smalltooth velvet dogfish |
| Fra: | Squale-grogneur queue échancré |
| Ísl: | Færeyjaháfur |
| Jap: | Suji-birôdozame |
| Por: | Areganhada-de-focinho-comprido |
| Spa: | Bruja boca chica |
| Sve: | Svarthai |
Vit viðmæla
Viðkomandi tíðindi
Gráhávur – ein sjáldsamur gestur
Herfyri fekk Havstovan ein gráháv (Galeorhinus galeus) at kanna. Hávurin var fingin á línu við Suðuroynna. Hetta er triðja skráseting av gráhávi í føroyskum sjógvi. Tó er hetta fyrsti fiskurin,…
Lítið av gulllaksi at fáa á djúpum vatni
Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…
Fingið merktan skrubbháv
23. oktober 2017 fekk Havstovan ein merktan skrubbháv frá trolaranum Suðringi. Hesin skrubbhávur varð merktur í Spania 24. december 2014, á positión 43°40N og 04°24W. Dýpið var 1060 metrar. Hann…
Fingu stóra brugdu
Rannsóknarskipið Magnus Heinason fekk í august 2007 eina nærum 10 metrar langa brugdu í trolið. Hetta er úr Sjóvarmál 2011, les víðari her. Viðkomandi tíðindi
