Aftur til 
Vís undanfarnu úrslit
Crystallogobius linearis
Kroppurin er langur, samankroystur um síðurnar og er roðsluleysur. Hann hevur tvær ryggfjaðrar og eina gotfjøður. Gotfjøðurin og aftara ryggfjøður eru serliga langar, sterturin er breiður og eitt sindur innbogin. Kynini bæði eru nakað ymisk. Fremra ryggfjøður á siljafiskunum er væl vaksin og hevur tveir teinar. Búkfjaðrarnar eru samanvaksnar, ein skræðulepi er millum fjaðrarnar frammantil. Á rognafiskunum eru hesar fjaðrar kryplaðar. Rognafiskar eru tannleysir. Siljafiskar hava eitt rað av tonnum, og í gýting fáa teir tvær tøkutenn fremst í undirkjaftinum.
Krystallstubbi er frá griksku strondini gjøgnum Miðjarðarhavið, norður við strondunum í Evropa til Tromsø og Kattegat og runt Bretsku Oyggjarnar. Hann er sjáldsamur í Føroyum, men er fingin á Kollafirði og á Føroyabanka.
Stødd
Rognafiskar verða upp í 4 cm og siljafiskar 5 cm.
Dýpi
Hann er úr fjøruni og út á 400 metrar. Eisini nakað uppi í sjónum í torvum.
Litur
Hann er glærur, er litleysur og kroppurin er næstan krystallklárur, tó einstakir svartir smáblettir eru her og har. Tá fiskurin er deyður, hvítnar hann. Á livandi krystallstubba sæst innvølurin, og hjartað sæst sláa. Ryggjargeislarnir hómast eisini kámt.
Eyðkenni
Krystallklári fiskurin, støddin og ryggfjaðrarnar.
Týdningur
Hann hevur ikki vinnuligan týdning.
| Før: | Krystalstubbi |
| Lat: | Crystallogobius linearis |
| Dan: | Krystalkutling |
| Eng: | Crystal goby |
| Fin: | Lasitokko |
| Ita: | Ghiozetto cristallino, Llengüeta blanca |
| Nor: | Krystallkutling |
| Pol: | Babka krysztalowa |
| Spa: | Gobio de cristal |
| Sve: | Glasbult, Glasstubb |
| Týs: | Kristallgrundel |
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
