Vís undanfarnu úrslit
Gestfiskur
Echiodon drummondi
Gestfiskur er langur og mjáur fiskur. Hann er væl hægri, enn hann er breiður. Hann hevur ikki búkfjaðrar og ikki stert. Hann hevur eina ryggfjøður og eina gotfjøður. Tær eru frá frammarlaga á fiskinum og renna saman í ein spíss aftast á sporlsendanum. Gotfjøðurin kemur eitt vet longur fram enn ryggfjøðurin, fram á hálva uggafjøðurina. Gotið er við fremra enda á gotfjøðurini, mitt undir uggafjaðrunum. Uggafjaðrarnar eru smáar. Hann hevur lítið høvd og stóran kjaft. Eygað situr yvir miðjuni á ovara kjaftbeini. Tvær týðiligar tøkutenn hevur hann fremst í hvørjum kjaftinum, tær ovaru koma fram um undirkjaftin. Annars eru tenninar smáar. Hann hevur stuttan bul og langt sporl.
Útbreiðsla
Gestfiskur er undan Íslandi til Suðurnoregs og Norðsjógvin. Hann er undir Bretsku oyggjunum. Undir Føroyum fæst hann á landgrunninum.
Stødd
Gestfiskur verður í mesta lagi 32 cm langur.
Dýpi
Hann er niður á minst 400 metra dýpi.
Litur
Gestfiskur er ljósur, gráligur, eitt sindur glærur, eitt lítið sindur ljósareyðsilvurlittur. Hann er silvurlittur undir búkinum, á kápuni og í eygunum. Hann hevur dimmar blettir/strikur á høvdinum og á ryggfjaðrarrondini og gotfjaðrarrondini.
Eyðkenni
Gestfiskur kennist væl á tøkutonnunum, minnir í skapi um djúpáll og tey trý sporlklønu úlvfiskasløgini. Gestfiskur er ofta inni í trælsrassum av ymsum slagi, antin hann so livir har ella krógvar seg fyri fíggindum.
Týdningur
Hann hevur ikki vinnuligan týdning.
Nøvn á fiski á øðrum máli
| Før: | Gestfiskur |
| Lat: | Echiodon drummondi, Carapus drummondi, Fierasfer dentatus |
| Dan: | Snyltefisk, Fierasfer |
| Eng: | Pearlfisk |
| Ísl: | Sníkir |
| Nor: | Snyltefisk |
| Sve: | Tandfierasfer |
| Týs: | Eingeweidefisch |
Vit viðmæla
Viðkomandi tíðindi
Jákup Sverri fiskar til Sjósavnið
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Meir av toski og nógv av hýsu
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Gróðurin á Landgrunninum met góður í ár
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Jákup Sverri aftur av makreltúri
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
