Aftur til 
Vís undanfarnu úrslit
Myctophum punctatum
Stóri prikkafiskur hevur eina ryggfjøður, eina gotfjøður og eina fitifjøður. Uggafjøðurin røkkur aftur undir ryggfjøðurina, men ikki aftur til gotfjøðurina. Fitifjøðurin er mitt ímillum stertin og ryggfjøðurina. Aftari endi á ryggfjøðurfestinum er uppi yvir fremra enda á gotfjøðurfestinum. Ryggfjøðurfestið er munandi styttri enn gotfjøðurfestið. Ljósgøgn eru um búkin, eftir síðunum og undir kjaftinum.eygnatvørmátið er størri enn 30% av høvuðlongdini.
Stóri prikkafiskur er úr Grønlandi til Noregs og suður á umleið 20°N, eisini inn í Miðjarðarhavið. Á syðru hálvu í Atlantshavinum, Indiahavinum og Kyrrahavinum.
Stødd
Stóri prikkafiskur verður upp í umleið 11 cm.
Dýpi
Hann er undan vatnskorpuni og niður á 1000 metrar ella djúpari. Hann er uppi í sjónum í myrkri og djúpt í dagslýsi.
Litur
Hann er svartur, svartgrómutur til myrkt brúnligur. um síðurnar og undir búkinum er ein feril av perlumóðurskini. Óskalaður er hann møguliga kámt silvurlittur um síðurnar.
Eyðkenni
Uggafjaðrarnar røkka væl aftur undir ryggfjøðurina. Hann kennist frá mjáa prikkafiski av tí, at kjafturin er um tvær ferðir so langur sum eygnatvørmátið, og at ryggfjøðurfestið er styttri enn gotfjøðurfestið.
Týdningur
Hann hevur ikki havt vinnuligan týdning. Fæst sum hjáveiða í flótitroli yvir djúpum vatni.
| Før: | Stóri prikkafiskur |
| Lat: | Myctophum punctatum |
| Azo: | Peixe-lanterna, Escolarinho |
| Dan: | Slankhalet prikfisk, Lille prikfisk |
| Fin: | Pieni Pistekala |
| Ísl: | Punktalaxsíld |
| Ita: | Pesce lanterna punctato, Pesce lanterna |
| Nor: | Liten prikkfisk |
| Pol: | Swietlik tepoglowy |
| Spa: | Pez linterna |
| Sve: | Liten prickfisk |
16.12.2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastov…
29.11.2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
07.10.2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á for…
16.09.2024
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nø…
22.07.2024
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið m…
17.07.2024
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarn…
27.05.2024
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at d…
15.05.2024
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga…
