Aftur til 
Vís undanfarnu úrslit
Pseudotriakis microdon
Kambhávur er langur og nakað klænur við fløtum, breiðum høvdi. Hann hevur tvær ryggfjaðrar. Tann fremra er serliga long og lág og til longdar umleið 22% av heildarlongdini á fiskinum. Ugga-, búkog gotfjaðrarnar eru meira vanlig stødd. Sterturin er nakað upprendur. Kjafturin er stórur og breiður og er nógv bogin, mest sum í ein hálvboga. Tenninar eru smáar og í fleiri røðum. Í yvirkjaftinum eru smáar, tríkantaðar ’hávatenn’ í minst trimum røðum, og í undirkjaftinum hevur hann rasputenn í fleiri røðum, og tanngarðurin sær út, sum er hann snaraður. Hann hevur eygnalok og stórt andahol aftan fyri eygað, líka langt sum eygað. Hann sæst sjáldan í fiskiskapinum, og er annars lítið kendur.
Hann er av Suðureysturlandinum í Íslandi til Føroya, vestan fyri Írland til Vesturafrika. Við Asoroyggjar, Madeira og eysturstrond USA. Í Kyrrahavinum og Indiahavinum.
Stødd
Kambhávur verður upp í 3 metrar til longdar.
Dýpi
Hann er úr 200 m niður á 1500 m.
Litur
Kambhávur er myrkabrúnur ella grábrúnur. Aftara rondin á fjaðrunum er myrkari.
Eyðkenni
Kambhávur er lættur at kenna á tí longu og lágu ryggfjøðurini, breiða og flata høvdinum og tí rundaða kjaftinum. Hevur bæði gotfjøður og andahol.
Týdningur
Kambhávur hevur ikki vinnuligan týdning.
| Før: | Kambhávur |
| Lat: | Pseudotriakis microdon |
| Dan: | Kamhaj |
| Eng: | False catshark |
| Fin: | Atlantinsyvännehai |
| Fra: | Requien à longue dorsale |
| Ísl: | Kambháfur |
| Jap: | Oshizame |
| Ned: | Valse kathaai |
| Spa: | Musolón aleta larga |
| Sve: | Katthai |
| Týs: | Atlantische Falcher Marderhai |
| USA: | False cat shark |
Herfyri fekk Havstovan ein gráháv (Galeorhinus galeus) at kanna. Hávurin var fingin á línu við Suðuroynna. Hetta er triðja skráseting av gráhávi í føroyskum sjógvi. Tó er hetta fyrsti fiskurin,…
Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…
23. oktober 2017 fekk Havstovan ein merktan skrubbháv frá trolaranum Suðringi. Hesin skrubbhávur varð merktur í Spania 24. december 2014, á positión 43°40N og 04°24W. Dýpið var 1060 metrar. Hann…
Rannsóknarskipið Magnus Heinason fekk í august 2007 eina nærum 10 metrar langa brugdu í trolið. Hetta er úr Sjóvarmál 2011, les víðari her. Viðkomandi tíðindi
