Aftur til 
Vís undanfarnu úrslit
Callionymus maculatus
Blettuti floyfiskur er klænur og langvaksin fiskur, eitt sindur flatur, tí hann er breiðari, enn hann er høgur. Fjaðrarnar eru sum heild stórligar. Fremra ryggfjøður er stutt, høg og spísk, aftara javnt høg og nakað longri. Gronin er umleið líka long sum eygnatvørmátið, á siljafiskum eitt sindur longri og á rognafiskum eitt sindur styttri. Á kápubeinunum er ein píkur í skapi sum hjartarhorn.
Hann er í Eysturatlantshavinum, undir Íslandi, Føroyum og við Vestlandið í Noregi til Senegal og í Miðjarðarhavinum eystur til Grikkalands.
Stødd
Siljafiskar verða upp í 16 cm langir, rognafiskar upp í 13 cm langir.
Dýpi
Blettuti floyfiskur er úr 45 m niður á 650 metra dýpi.
Litur
Hann er ljóst brúnligur við silvurlittum og dimmlittum blettum. Aftara ryggfjøður á siljafiskunum hevur fýra røð av blettum aftur eftir fjøðurini, á rognafiskum eru tvey røð.
Eyðkenni
Blettirnir í aftaru ryggfjøðurini. Píkurin á kjálkabeinunum. Kropsskapið.
Týdningur
Blettuti floyfiskur hevur ikki vinnuligan týdning.
| Før: | Blettuti floyfiskur, Blettutur floyfiskur |
| Lat: | Callionymus maculatus |
| Dan: | Plettet fløjfisk |
| Eng: | Spotted dragonet |
| Fin: | Pikkumerikokki |
| Fra: | Callionyme, Dragonet tachète |
| Gri: | Kalionymus kilidotos |
| Ísl: | Flekkjaglitnir |
| Ita: | Dragoncello macchiato |
| Nor: | Flekket floyfisk |
| Pol: | Lira kalion |
| Por: | Peixe-pau-malhado |
| Spa: | Dragoncillo moteado, Pau |
| Sve: | Fläckig sjökock |
| Týs: | Gefleckter Leierfisch |
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
