Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Tíðindi
Jákup Sverri
Tilmæli
Havið
Djóralisti

Langfjaðraði tunfiskur

Thunnus alalunga

Fiskalisti

Langfjaðraði tunfiskur er spískur í báðum endum, tjúkkur um miðjuna. Tvørskurðurin er næstan rundur. Frá stertinum og fram móti ávikavist aftaru ryggfjøður og gotfjøðurini eru einar 7-8 smáfjaðrar. Hann hevur tvær ryggfjaðrar og eina gotfjøður, allar eru tær høgar og spískar. Fremra ryggfjøður hevur harðar teinar og gongur niður í einki beint framman fyri ta aftaru. Aftara hevur høgar teinar. Búkfjaðrarnar eru umleið eins langar sum gotfjøðurin. Uggafjaðrarnar eru serliga langar og smalar, og ein foyra er á síðunum á fiskinum, har fjøðurin kann leggjast inní. Uggafjaðrarnar røkka eitt sindur ójavnt frá einum fiski til annan, aftur til gotfjøðurina, ella longri aftur. Hann hevur smidligan stert, innbogin aftan, og sirini (stertafjaðrarnar) eru long og fín. ‘Kjølur’ er hvørjumegin á klingruni.

Útbreiðsla

Ein langfjaðraður tunfiskur svam seg upp á Leynasand í 1966. Hann var 72 cm langur. Hann er vanligur á víðum havi í Atlantshavinum, Indiahavinum og Kyrrahavinum millum 40°N og 40°S. Hann sløðist eisini bæði norðan fyri og sunnan fyri hesar leiðir.

Stødd

Langfjaðraði tunfiskur verður upp í 127 cm, møguliga 140 cm langur, men er sjáldan longri enn 100 cm.

Dýpi

Hann er vanliga ovarlaga í sjónum, men hann er eisini fingin niðri á 600 metra dýpi.

Litur

Bronsubrúnur um bakið við bláligum farra um síðurnar. Undir búkinum er hann nakað stríputur, blankur-gulbrúnligur. Gotfjøður og aftara ryggfjøður eru nakað gulligar, smáfjaðrarnar eru dimmar.

Eyðkenni

Smáfjaðrarnar á sporlinum. Tær serliga longu uggafjaðrarnar.

Týdningur

Fyri føroyingar hevur hesin fiskur ikki havt vinnuligan týdning, men hann verður nógv veiddur aðrastaðni.

Nøvn á fiski á øðrum máli
Før:Langfjaðraði tunfiskur
Lat:Thunnus alalunga, Germo alalunga, Thynnus alalunga
Azo:Voador
Dan:Hvid tun, Albacore, Langfinnet tun
Eng:Albacore tuna, Albacore, Long fin tunny, Long finned albacore, White tuna
Fin:Valkotonnikala
Fra:Germon, Alalonga, Alot, Atumchikia, Atuna, Bonita, Longue oreille, Peche blanka, Thon aux longues ailes, Thon blanc, Thoun
Gri:Tonos makrofteros, Macroptéros, Tonaki, Tonnos, Tonnos macropteros, Tónnos macrypteros
Ísl:Hvíti túnur
Ita:Tonno bianco, Alalonga, Alalunga
Jap:Binchô, Binnagamaguro, Bincho, Binnaga, Tombo, Tonbo
Nor:Albakor
Por:Voador, Albacora, Atum
Spa:Albacore, Atún blanco
Týs:Weisser Thun, Germon, Weißer Thun
USA:Albacore

Vit viðmæla

Viðkomandi tíðindi

Øll tíðindi
  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira

  • Jákup Sverri aftur av makreltúri

    Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi

    Les meira

  • Jákup Sverri kannað æti og fiskalarvur á Landgrunninum

    Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…

    Les meira

  • Jákup Sverri liðugur við sildakanningar

    Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…

    Les meira