Vís undanfarnu úrslit
Svarti súgfiskur
Paraliparis bathybius
Hóast súgfiskur, so hevur hann ikki súgvikopp undir búkinum, men hevur í staðin búkfjaðrar, ið sita heilt frammi undir øsinum. Høvdið er um 20%, ella minni, av standardlongdini. Táknaopini eru smá og sita oman fyri uggafjaðrarnar. 3-4 teir niðastu teinarnir í uggafjaðrunum eru berir. Uggafjaðrarnar røkka aftur til gotfjøðurina. Hann hevur heilt lítlan stert. Skræðan er sløtt og hálvavegna gjøgnumskygd. Helst eru sløg í polarhavinum, ið eru nær í ætt við henda fiskin.
Útbreiðsla
Hann er í Grønlandshavinum, Barentshavinum, í havinum norðan fyri og eystan fyri Føroyar og Ísland og í Davisfirði.
Stødd
Svarti súgfiskur verður upp í umleið 27 cm langur.
Dýpi
Hann er í kalda sjónum norðanfyri bæði við botnin og uppfrá úr 600 m niður á 2000 m.
Litur
Hann er svartbrúnur, uggafjaðrarnar og høvdið hava ein farra av blásvørtum liti.
Eyðkenni
Stødd, litur, og hann hevur ikki súgvikopp. Tveir nasagluggar.
Týdningur
Svarti súgfiskur hevur ikki vinnuligan týdning.
Nøvn á fiski á øðrum máli
| Før: | Svarti súgfiskur |
| Lat: | Paraliparis bathybius |
| Can: | Black seasnail, Limace noir |
| Dan: | Arktisk dybhavsringbug |
| Ísl: | Úthafssogfiskur |
| Nor: | Svart ringbuk |
Vit viðmæla
Viðkomandi tíðindi
Gróðurin á Landgrunninum met góður í ár
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Jákup Sverri aftur av makreltúri
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Jákup Sverri kannað æti og fiskalarvur á Landgrunninum
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Jákup Sverri liðugur við sildakanningar
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
