Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Sæð okkurt spennandi? Ofta spurt Búmerki

Kombikk

Gasterosteus aculeatus

Fiskalisti

Kombikk er lítil og bulmikil fiskur. Tað hevur eina ryggfjøður á sporlinum. Framman fyri ryggfjøðurina eru tríggir hvassir beinpíkar, tveir stórir fremstir og ein minni, ið er beint framman fyri fjøðurina. Undir búkinum, undir aftaru endum á uggafjaðrunum, eru tveir píkar, ein hvørjumegin miðjuna. Hetta eru búkfjaðrarnar, sum eru vorðnar til píkar. Ein píkur er framman fyri gotfjøðurina. Gotfjøðurin er minni enn ryggfjøðurin. Uggafjaðrarnar eru rættiliga stórar. Høvdið er stórt, um 24% av heildarlongdini. Kjafturin er lítil, upprendur. Kombikk hevur undirbit. Sera klæna klingru. Kombikk gýtir í feskum vatni. Nøkur teirra eru alt lívið í feskum vatni. Onnur eru lutvíst í sjónum.

Útbreiðsla

Kombikkið er í Svartahavinum, Miðjarðarhavinum og fram við Evropa til Bretsku oyggjarnar, í Eystarasalti, í Noregi, eystur móti Novaja Semlja. Í Føroyum, Íslandi og Suðurgrønlandi. Frá Labrador til New York. Tað er í Kyrrahavinum úr Beringssundi til Korea og Montereyvíkina í Kalifornia.

Stødd

Mesta longd er 11 cm, tó í Føroyum neyvan longri enn 8 cm.

Dýpi

Kombikk er í støðuhyljum í fjøruni, í vøtnum, firðum, pollum, ósum og niðast í áum, men ikki í áarstreymi. Tað er eisini í sjónum, fram við landi og langt til havs, har tað helst er ovarlaga í sjónum. Kombikk er fingið á 27 metra dýpi.

Litur

Kombikk er úr silvurgrønum til næstan svart á bakinum, silvurlitt um síðurnar og hvítt undir búkinum. Til havs er liturin líkur sild, tó eitt sindur kámari. Í gýtingini, sum byrjar í apríl og heldur á út á summarið, eru siljafiskarnir reyðir undir høvdinum og um búkin. Rognafiskarnir verða myrkabrúnir um bakið og gulligir um búkin.

Eyðkenni

Fiskastøddin. Píkarnir og bulmikla skapið.

Týdningur

Tað hevur ikki vinnuligan týdning.

Nøvn á fiski á øðrum máli
Før:Kombikk, Beinmurtur, Eldmurtur, Eyrriðasild, Horngeil, Horngeir, Hvasssíl
Lat:Gasterosteus aculeatus a.
Ala:Cukilrua’ak
Dan:Trepigget hundestejle
Eng:Threespined Stickleback, Stickleback, Tiddler
Fin:Kolmipiikki
Fra:Arselet, Cordonnier, Crève-valet, Épinart, Épinglet, Épinoche, Épinoche à trois épines, Épinoche aiguillonnée, Estancelin, Estranglo cat, Spinaubé, Spinavaou, Trois épines
Grø:Kakilisak, Kapinartulik, Pingasunik
Ísl:Hornsíli
Ita:Spinarello
Ned:Driedoornige stekelbaars
Nor:Trepigget stingsild, Stikling, Tindaure, Tindmort
Pol:Ciernik
Por:Esganagata, Espinhela, Espinhoso
Rus:Trechiglaja koljuška, Karas, Koros, Trekhiglaya koliushka
Spa:Espinosillo, Espinoso, Venenoso
Sve:Storspigg
Týs:Dreistacheliger Stichling
USA:Threespine stickleback

Vit viðmæla

Viðkomandi tíðindi

Øll tíðindi
  • ICES-tilmæli fyri botnfisk 2025

    Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…

    Les meira

  • Jákup Sverri fiskar til Sjósavnið

    Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…

    Les meira

  • Meir av toski og nógv av hýsu

    Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…

    Les meira

  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira