Bramafiskur

Brama brama

Fiskurin er hávaksin og smalur. Kropshæddin er umleið ein triðing av heildarlongdini. Fremstu teinarnir í rygg- og gotfjøðurini eru um tvær ferðir so høgir sum aftaru partarnir. Uggafjaðrarnar eru longri enn høvdið. Hann hevur smáar búkfjaðrar. Sterturin er nógv sýldur og hevur serliga langar stertafjaðrar. Roðsla er um allan kroppin, lutvíst út á fjaðrarnar, um høvdið, tó ikki fremst á gronini. Høvuðumhvarvið er mest sum runt, og kjafturin er nógv upprendur. Gronin er heldur minni enn eygnatvørmátið. Hann hevur hvassar tenn.

Útbreiðsla

Á okkara leiðum hevur bramafiskur fingist um heystið, bæði inni á og út av landgrunninum. Eisini á Føroyabanka. Summi ár tykist hann at gera innrás í føroyskan sjógv. Hann er annars undir Norðurnoregi og Íslandi (sjáldan), suður móti Guineavíkini, tvørtur um Atlantshavið til Nova Scotia, Bermuda og Bahamaoyggjarnar. Á syðru hálvu er hann í Atlantshavinum, Indiahavinum og Kyrrahavinum.

Stødd

Bramafiskur verður upp í 100 cm langur, vanliga her um leiðir 40-60 cm.

Dýpi

Hann er upp- og miðsjóvarfiskur, úr vatnskorpuni niður á 1000 m, men vanliga grynri enn 400 m.

Litur

Hann er myrkabrúnur um bakið við veikum, bláligum undirliti. Silvurglitrandi um síðurnar. Uggafjaðrarnar hava veikan, gulligan lit. Rygg- og gotfjaðrarendurnar eru dimmar.

Eyðkenni

Høga og smala kropsskapið, stutta og rundaða gronin, upprendi kjafturin. Roðsla á rygg- og gotfjøðurini. Hann hevur silvurskin, tá hann sæst inn á síðuna.

Týdningur

Her á landi hevur hann ikki havt vinnuligan týdning, men aðrastaðni verður nakað veitt av bramafiski.

Nøvn á fiski á øðrum máli

Før:	Bramafiskur
Lat:	Brama brama, Brama raii, Brama raji
Azo:	Xaputa
Dan:	Havbrasen Almindelig-
Eng:	Angelfish, Black sea bream, Lestia, Pomfret Atlantic-, Ray’s bream, Ray’s seabream
Fin:	Merilahna
Fra:	Grande castagnole, Brème de mer, Castagnola, Castagnolo, Hirondelle, Palomite
Gri:	Lestíka, Lestí
Ísl:	Stóri bramafiskur, Bramafiskur
Ita:	Pesce castagna, Rondino
Jap:	Echiopia, Hamashimagatsuo
Ned:	Braam, Oude wijf, Zeebrasen
Nor:	Havbrasme, Havbrase
Pol:	Brama
Por:	Xaputa, Chaputa, Freira
Rus:	Atlanticeskij morskoj lešc, Atlanticeskij morskoj lesc, Morskoj lesch
Spa:	Casteñeta, Castañeta, Castañola, Japuta, Joputa, Palometa negra
Sve:	Havsbrax, Rays havsbrax
Týs:	Brachsenmakrele
USA:	Atlantic pomfrit

Vit viðmæla

Havið

Lívið í havinum

Fiskur

Beinfiskar

Viðkomandi tíðindi

Øll tíðindi

Tilmæli 2025
16/12-2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Les meira
ICES-tilmæli fyri botnfisk 2025
29/11-2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Les meira
Jákup Sverri fiskar til Sjósavnið
07/10-2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Les meira
Meir av toski og nógv av hýsu
16/09-2024
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Les meira