Silvurstinglaksur

Lepidopus caudatus

Silvurstinglaksur er langur og mjávaksin fiskur. Hann er hægri, enn hann er breiður. Hann hevur eina langa ryggfjøður. Gotfjøðurin er í einum undir klingruni og bert leysir broddar eru haðani og fram til gotið. Hann hevur smáar búkfjaðrar, smáar uggafjaðrar og lítlan stert. Høvdið hækkar aftan fyri eyguni upp móti ryggfjøðurini. Hann hevur stór eygu og stóran kjaft við hvøssum tonnum.

Útbreiðsla

Silvurstinglaksur kemur norður móti Føroyum, men er ikki skrásettur í føroyskum sjógvi. Hann sløðist til Íslands, er annars vestan fyri Írland til Senegals, við Suðurafrika og Madagaskar, nakað inn í Miðjarðarhavið. Úti í Atlantshavinum er hann á tindum og bankum. Hann er eisini við Suðuravstralia og Nýsæland.

Stødd

Silvurstinglaksur verður upp í 210 cm langur.

Dýpi

Hann er botnfiskur og uppsjóvarfiskur. Hann gongur í torvum úr 100 m niður á 600 m dýpi.

Litur

Hann er silvurlittur, dimmur um fjaðrarnar.

Eyðkenni

Kropsskapið kann minna um eitt stórt svørðsblað. Høga ennið. Lítli sterturin.

Týdningur

Hann hevur ikki vinnuligan týdning í Føroyum, men verður nógv veiddur aðrastaðini.

Nøvn á fiski á øðrum máli

Før:	Silvurstinglaksur
Lat:	Lepidopus caudatus
Azo:	Peixe-espada-branco, Talabarte
Dan:	Strømpebåndsfisk
Eng:	Scabbard fish, Butter snoek, Frostfish, Silver scabbardfish
Fra:	Sabre argenté
Gri:	Spathopsaro, Spadopsaro, Spathópsaro-ilios
Ísl:	Marbendil, Atlants marbendil
Ita:	Pesce sciabola
Nor:	Slirefisk
Pol:	Palasz ogoniasty
Por:	Espada branca, Peixe espada
Rus:	Lepidop
Spa:	Cinta, Espadiella, Paladar, Pez cinto, Pez sable
Sve:	Strumpebandsfisk
Týs:	Degenfisch, Silberbandfisch, Strumpfbandfisch
Ukr:	Ryba-sablya
USA:	Silver scabbardfish, Frostfish, Ribbonfish

Vit viðmæla

Havið

Lívið í havinum

Fiskur

Beinfiskar

Viðkomandi tíðindi

Øll tíðindi

Tilmæli 2025
16/12-2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Les meira
ICES-tilmæli fyri botnfisk 2025
29/11-2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Les meira
Jákup Sverri fiskar til Sjósavnið
07/10-2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Les meira
Meir av toski og nógv av hýsu
16/09-2024
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Les meira