Aftur til 
Vís undanfarnu úrslit
Pomatoschistus minutus
Sandstubbi hevur tvær ryggfjaðrar. Tann fremra væl minni enn tann aftara. Búkfjøðurin røkkur aftur um uggafjøðurina, til gloppið millum ryggfjaðrarnar. Gotfjøðurin er eins stór og aftara ryggfjøður. Sterturin er rundaður aftan. Fjaðrarnar hava strípur umleið sama lit sum tey myrku støðini á kroppinum, tó ikki uggafjaðrarnar og búkfjaðrarnar. Roðsla er oman á bakinum framman fyri fremru ryggfjøður. Hann hevur breitt høvd og bungutar kjálkar. Eyguni eru smá og standa út úr høvdinum. Hann sæst ikki so ofta sum tvíprikkuti stubbi.
Sandstubbi er undir Føroyum, við Bretsku Oyggjarnar til Tromsø. Hann er í Eystarasalti norður til Álandsoyggjarnar, í Norðsjónum til vestara part av Miðjarðarhavinum, í Adriahavinum og í Svartahavinum.
Stødd
Tann størsti sandstubbin, sum fingin er undir Føroyum, var 9,1 cm langur. Hann er annars sjáldan størri enn 7,5 cm og verður neyvan longri enn 11 cm. Dýpi: Sandstubbi er vanligast úr fjøruni (0,5 m) út á 12 – 15 m. Hann er tó aðrastaðni fingin á 300 m dýpi. Í Føroyum er hann fingin á víkum og firðum út á 40 m dýpi.
Dýpi
Sandstubbi er vanligast úr fjøruni (0,5 m) út á 12 – 15 m. Hann er tó aðrastaðni fingin á 300 m dýpi. Í Føroyum er hann fingin á víkum og firðum út á 40 m dýpi.
Litur
Vanliga er hann sandbrúnur ella sandgráur um bak og síður. Hann er rómalittur undir búkinum. Dimmar ella rustlittar óregluligar strikur og blettir eru av bakinum og niður á síðurnar, tó ikki á uggunum og undir búkinum. Fremra ryggfjøður hevur á afturendanum ein svartan blett, men hann sæst illa á deyðum fiski.
Eyðkenni
Støddin, liturin og tað, at búkfjøðurin kemur aftur um uggafjøðurina. Dimmi bletturin á ryggfjøðurini.
Týdningur
Hann hevur ikki vinnuligan týdning.
| Før: | Sandstubbi |
| Lat: | Pomatoschistus minutus, Gobius minutus |
| Dan: | Sandkutling, Lys kutling |
| Eng: | Sand goby, Common goby |
| Fin: | Hietatokko |
| Fra: | Gobie buhotte, Bourgette, Mougne |
| Ita: | Ghiozzetto minuto, Giozzo minuto, Giozzo piccolo |
| Ned: | Dikkopje, Grondel, Kleine govie |
| Nor: | Sandkutling |
| Pol: | Babka Mala |
| Por: | Caboz-de-areia |
| Rus: | Sand goby |
| Spa: | Cabuxino, Gobio, Gobio de arena |
| Sve: | Sandstubb |
| Týs: | Sandkühling, Sandgrundel |
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
