Aftur til 
Vís undanfarnu úrslit
Myxine glutinosa
Súgállur er langur og mjáur, tvørskurðurin er rundur. Fjaðrar eru ongar, men ein lágur skræðulepi, ið minnir um fjøður er aftast á bakinum, og ein er undir búkinum, og hann røkkur fram á hálvan fiskin. Hesir báðir skræðulepar renna saman í eitt, aftast á sporlinum. Kjafturin er bert ein lítil riva. Við kjaftin eru fýra horn. Ein nasagluggi er fremst á gronini, har eisini fýra horn eru. Eyguni síggjast ikki, ein skræðulepi fjalir tey. Tvey táknaop eru undir búkinum, beint framman fyri gotfjøðurina. Vinstra áknaop er størri og situr aftari enn høgra. Kroppurin er liðiligur, og beinagrindin er bert ein viðfáningur av bróski. Fleiri slímop sita í einum rað hvørjumegin aftureftir undir búkinum. Hann er slenutur, kaldur at føla. Er á bleytum botni.
Súgállur er úr vestara parti av Miðjarðarhavinum, fram við Portugal til Norðsjógvin og Danmark. Undir Føroyum, Bretlandi og norður til Finnmørkina, undir Íslandi, í Útsynningsgrønlandi til Labrador og North Carolina.
Stødd
Súgállur verður í mesta lagi 60 cm langur, vanliga millum 30 og 40 cm.
Dýpi
Úr 20 metra dýpi niður á 930 metra dýpi.
Litur
Livandi er hann bleikreyður/reydliga blóðsprongdur á liti. Deyður er hann gulgráur um bakið og heldur ljósari undir búkinum, og reydligi farrin er bleikari.
Eyðkenni
Liturin og blóðsprongdi farrin, slenuti kroppurin, hornini, állaskapið. Hann hevur ongar fjaðrar, og eyguni síggjast ikki.
Týdningur
Súgállur hevur ikki vinnuligan týdning. Ger skaða á línu- og garnafisk, etur av fiskinum, ið komin er á línuna ella í gørnini.
| Før: | Súgállur, Állur, Ormur, Slímállur, Slímálur, Súgálur |
| Lat: | Myxine glutinosa |
| Dan: | Slimål |
| Eng: | Hagfish, Hag |
| Fin: | Loisankerias |
| Fra: | Myxine |
| Gri: | Mixinopsaro |
| Grø: | Ivik |
| Ísl: | Slímáll |
| Ita: | Missine, Missina |
| Ned: | Slijmprik |
| Nor: | Slimål, Kvitål, Pirål, Sleipmakk, Snagål |
| Pol: | Sluzica |
| Por: | Enguia de casulo |
| Rus: | Evropejskaja miksina |
| Spa: | Anguila babosa |
| Sve: | Pirål |
| Týs: | Inger, Blindinger, Myxine |
| USA: | Atlantic hagfish |
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
