Aftur til 
Vís undanfarnu úrslit
Chlamydoselachus anguineus
Kropsskapið er langt og klænt, nakað líkt álli. Hann hevur lítið høvd. Eyguni eru heldur smá og sita fremst á kjálkunum. Hann hevur seks táknarivur og stórt gap. Tenninar eru heilt serligar. Á tanngarðinum, bæði í yvirkjaftinum og undirkjaftinum, eru 6-7 smáir vølir og glopp ímillum, og hvør vølur hevur 5-12 smáar, hvassar og spískar tenn, ið standa í røðum. Állahávur hevur eina ryggfjøður aftast á sporlinum, smáar uggafjaðrar, eina gotfjøður, ið er nakað størri enn ryggfjøðurin. Búkfjaðrarnar eru heldur størri enn gotfjøðurin. Hann hevur lítlan og lágan stert, ið gongur næstan beint aftur úr rygginum.
Frá Norðurnoregi til Suðurafrika. Hann er annars í Kyrrahavinum og Indiahavinum. Nakrir fáir eru seinastu árini fingnir sunnan fyri Føroyar.
Stødd
Kvennfiskar verða upp í 200 cm langir og kallfiskar upp í 150 cm.
Dýpi
Állahávur er botnfiskur, vanliga millum 120 m og 1575 m, men er onkuntíð fingin í vatnskorpuni.
Litur
Hann er javnt grábrúnur, nakað dimmur, kanska heldur ljósari undir búkinum.
Eyðkenni
Állahávur hevur seks táknarivur, lítið høvd og serkendar tenn, langt og mjátt kropsskap.
Týdningur
Állahávur hevur ikki havt vinnuligan týdning.
| Før: | Állahávur |
| Lat: | Chlamydoselachus anguineus |
| Dan: | Kravehaj |
| Eng: | Frilled shark, Frill-gilled shark, Scaffold shark, Silk shark |
| Fin: | Kaulushai |
| Fra: | Requin lézard |
| Ita: | Squalo serpente |
| Jap: | Rabuka |
| Ned: | Franjehaai |
| Nor: | Kragehai |
| Por: | Cobra, Tubarao, Tubarão-cobra |
| Rus: | Plascenosnaja akula |
| Spa: | Tiburón anguilla |
| Sve: | Kråshaj |
| Týs: | Kragenhai, Krausenhai |
| USA: | Frill shark |
Herfyri fekk Havstovan ein gráháv (Galeorhinus galeus) at kanna. Hávurin var fingin á línu við Suðuroynna. Hetta er triðja skráseting av gráhávi í føroyskum sjógvi. Tó er hetta fyrsti fiskurin,…
Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…
23. oktober 2017 fekk Havstovan ein merktan skrubbháv frá trolaranum Suðringi. Hesin skrubbhávur varð merktur í Spania 24. december 2014, á positión 43°40N og 04°24W. Dýpið var 1060 metrar. Hann…
Rannsóknarskipið Magnus Heinason fekk í august 2007 eina nærum 10 metrar langa brugdu í trolið. Hetta er úr Sjóvarmál 2011, les víðari her. Viðkomandi tíðindi
