Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Tíðindi
Jákup Sverri
Tilmæli
Havið
Hiti og salt Rák Havsúrgan
Djóralisti

Rekfiskur

Polyprion americanus

Fiskalisti

Rekfiskur líkist nógv kongafiski í skapi og á fjaðrum, men ikki á liti. Hann hevur heldur køggutan kropp. Kropshæddin er umleið 33% av heildarlongdini. Hann hevur eina ryggfjøður, ið er lægri framman, eina gotfjøður, ið er lægst framman og hægst á miðjuni. Høvdið er stórligt, hart og beinkent. Sum heild fastur, ’tungur’ fiskur. Frá kápuhorninum er ein beinryggur fram eftir kápuni. Roðslan er hørð og hvøss, umleið 90-114 roðslur eftir strikuni. Hann hevur stóran kjaft við smáum og tøttum rasputonnum. Hann hevur undirbit og stór eygu.

Útbreiðsla

Nakrar ferðir eru óbúnir fiskar fingnir undir Føroyum, út av Munkagrunninum og norðuri á umleið 63°N. Hann er annars vestan fyri Bretsku Oyggjarnar til Suðurafrika. Við grynnur og tindar úti í Atlantshavinum. Frá Labrador til Florida. Eystur úr Argentina og við Nýsæland og Avstralia.

Stødd

Rekfiskur verður upp í 210 cm langur.

Dýpi

Hann er úr vatnskorpuni og niður á o. u. 1000 metrar. Óbúnir fiskar eru ovarlaga í sjónum, har teir søkja sær skjól og føði við ymiskt, sum rekur í vatnskorpuni. Um 60 cm langur fer hann djúpari og heldur tá til á sand-, móru- og grótbotni. Møguliga eisini uppsjóvarfiskur í miðjum sjógvi.

Litur

Hann er brúngráur á liti, kanska við bláum/viólbláum ella grønligum farra. Óbúnir fiskar hava ljósar og myrkar blettir.

Eyðkenni

Tann ramliga útsjóndin. Teir grovu beinpíkarnir í rygg- og gotfjøðurini. Kongafiskalíki. Beinkamb á kápuni.

Týdningur

Rekfiskur er dýrur fiskur, men ov lítið fæst av honum her um leiðir til lønandi vinnu.

Nøvn á fiski á øðrum máli
Før:Rekfiskur
Lat:Polyprion americanus
Azo:Cherne
Dan:Vragfisk
Eng:Wreckfish, Stone basse, Wreck bass
Fin:Hylkyahven
Fra:Cernier, Cernia, Cernier atlantique, Cernier commun, Cernio escourpena, Franfré rascas, Lucerna, Mérou, Mérou de Bosques, Mérou fanfré, Peéro mérot, Peskar goat, Poisson de bois
Gri:Vláchos
Ísl:Blákarpi
Ita:Cernia di fondale, Cernia bruna, Cernia di fondo, Lucerna
Jap:Aruzentin oohata
Ned:Wrakbaars, Reuzenbaars, Steenbaars, Wrakvis
Nor:Vragfisk
Por:Cherne, Kapiten
Rus:Bury kamenny okun
Spa:Mero de roca, Cherna, Chernoda, Dot, Jorna, Meró
Sve:Vrakfisk, Vrakaborre
Týs:Wrackfisch, Wrackbarsch
USA:Wreckfish

Vit viðmæla

Viðkomandi tíðindi

Øll tíðindi
  • Jákup Sverri fiskar til Sjósavnið

    Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…

    Les meira

  • Meir av toski og nógv av hýsu

    Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…

    Les meira

  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira

  • Jákup Sverri aftur av makreltúri

    Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi

    Les meira