Aftur til 
Vís undanfarnu úrslit
Raja lintea
Gronin er spísk og long, umleið 3,5 ferðir ennibreiddina. Vaksnir fiskar hava eitt rað av hvítum píkum, millum 42 og 51, mitt aftur eftir bakinum og út á halan. Eitt ella fleiri óreglulig røð av píkum eru á síðunum á halanum. Tveir stórir píkar eru á ‘herðunum’, umleið 4 píkar við eyguni og umleið 4 framman fyri eyguni. Hon hevur ongan pík millum ryggfjaðrarnar. Onkrar gamlar skøtur hava ongar píkar framman fyri halan og hava bert nakrar naddar við eyguni og á ‘herðunum’. Halapíkarnir eru har framvegis, eisini teir eftir kantunum. Ravakantarnir framman eru eitt sindur bogaðir inní.
Hvítaskøta er frá Suður- og Vesturnoregi, um Hetland og Føroyar til Íslands og Vesturgrønlands. Undir Føroyum er hon rættiliga vanlig m.a. suðuri á Munkagrunninum á umleið 450 m dýpi.
Stødd
Hvítaskøta verður upp í 124 cm long.
Dýpi
Hon er úr 150 m niður á 650 m.
Litur
Um bakið er hon brún- ella blágrá, viðhvørt rættiliga dimm. Undir búkinum er hon hvít, oftast við tveimum blágráum blettum við gotið. Hon er blágrá fram við ravakantunum aftanfyri ravahornini. Undir halanum er hon hvít fram við kantunum, og ein grá strípa er eftir allari miðjuni.
Eyðkenni
Tann ljósi liturin og píkarnir á halanum. Eyðsýnd er tann gráa strípan mitt undir halanum.
Týdningur
Hvítaskøta verður avreidd sum annar fiskur.
| Før: | Hvítaskøta |
| Lat: | Dipturus linteus, Raja lintea |
| Dan: | Hvidrokke |
| Eng: | Sailray, Sharpnose skate |
| Fin: | Valkorausku |
| Fra: | Raie voile, Raie blanche |
| Grø: | Tarraleqisaaq |
| Ísl: | Hvítaskata |
| Ita: | Razza blanca Atlantica |
| Ned: | Zeilrog |
| Nor: | Kvitskate, Hvitrokke, Hvitskate |
| Pol: | Raja glebinowa |
| Por: | Raia-nevoeira, Raya branca |
| Spa: | Raya vela, Raya blanca |
| Sve: | Vitrocka, Blagarnsrocka |
| Týs: | Weißroche, Weissrochen |
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
