Aftur til 
Vís undanfarnu úrslit
Ciliata septentrionalis
Íshavshornabrosma er lítil fiskur, langvaksin og nakað tjúkk. Hon hevur tvey horn við nasagluggarnar og tvey smá horn beint oman fyri yvirkjaftin. Aftur frá hesum báðum smáu hornunum ganga tríggir smáir, breiðir skeggtræðrir hvørjumegin við. Hon hevur finnu á lippuni. Hon hevur tvær ryggfjaðrar, fremra er heilt lág, fremsti teinur er hægri enn hinir. Henda fjøður liggur niðri í eini foyru á bakinum. Aftara ryggfjøðurin er long og javnt høg, er frá um miðjari uggafjøður og aftur til klingruna. uggafjaðrarnar eru førligar, avrundaðar aftan. Búkfjaðrarnar eru smalar, og næstfremsti teinurin eru væl longri enn hinir. Sterturin er rundaður aftan. Strikan ótýðilig og bogin omanfyri uggafjøðurina. Høvdið er langt, umleið 23-25% av heildarlongdini. Kjafturin er stórur og røkkur væl aftur um eyguni.
Íshavshornabrosma er sjáldsamur fiskur. Hon er fingin undir Føroyum. er eisini fingin í norðsjónum, við Bretsku oyggjarnar, vestan fyri Írland, við noreg frá Bergen til Hammerfest, á Suður- og Eysturlandinum í Íslandi. Møguliga eisini í Vesturgrønlandi.
Stødd
Íshavshornabrosma verður helst ikki longri enn 20 cm.
Dýpi
Hon er úr 9 m niður á 90 metra dýpi, vanligast millum 30 og 90 metrar.
Litur
Hon er grábrún, ljósari undir búkinum.viðhvørt er ein feril av reydligum um bakið. Kjaftholan er ljós.
Eyðkenni
Hornini og skeggtræðrirnir. Hesin fiskurin verður møguliga ofta mistikin fyri aðrar hornabrosmur, kanska oftast hornabrosmu (C. mustela). Kjaftklovin kemur langt aftur um eyguni.
Týdningur
Hon hevur ikki vinnuligan týdning.
| Før: | Íshavshornabrosma |
| Lat: | Ciliata septentrionalis, Gaidropsarus septentrionalis, Onos septentrionalis |
| Dan: | Nordlig havkvabbe, Nordisk havkvabbe |
| Eng: | Northern rockling |
| Fra: | Motelle nordique |
| Ísl: | Ljóskjafta |
| Nor: | Nordisk tangbrosme |
| Pol: | Motela brunatna |
| Rus: | Severnyj pjatiusyj nalim |
| Sve: | Nordisk skärlänga |
| Týs: | Nordische Seequabbe |
| USA: | Northern rocling |
Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
