Fjarðakanning

Í Skálafirði var tað kaldara botnlagið týðiliga avlæst frá tí heitara sjónum í erva. Botnlagið var frá umleið 40 metra dýpi og niður á botn (Mynd 1). Gróður var í feska lagnum frá umleið 10 til 30 m dýpi á støðunum SK05 og SK07.

Nøgdin av súrevni niðri við botn í Skálafirði var 0,8 mg O₂/L (9% metningur), har tað var minst. Hetta er niðanfyri eitt miðal ár (Mynd 2).

Eisini í Kaldbaksfirði var lagdeiling í sjónum og mesti gróður var í ovaru løgunum, omanfyri umleið 30 m dýpi. Sjógvurin var lagdeildur heilt út til støð TF05, sum er rættiliga uttarlaga, men út ímillum Stong og Eystnes var sjógvurin væl blandaður (Mynd 3).