{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Biologisk oceanografi

Jákup Sverri, túrur nr. 2324

Tíðarskeið: 24/5-31/5 2023

Ábyrgd: Eilif Gaard

Endamál:

At kanna

  • Menning av plantu- og djóraæti á Landgrunninumum um várið,
  • Gýting hjá reyðæti,
  • Føðiviðurskiftini hjá fiskalarvum.

Samandráttur

Sjóvarhitin innan fyri landgrunsfrontin lá um 7,8-8,1 °C og á ytru leiðunum var sjógvuirn eitt lítið vet lýggjari. Saltinnihaldið hevur hesi seinastu árini verið lágt og er tað framvegis, tó at tað tykist at hækkað eitt sindur aftur. Innan fyri landgrunsfrontin lá oftast um 35,10 – 35,15 og á ytru støðunum lá tað eitt vet hægri.

Gróðurin var við at taka seg upp og fluorometrið lá í miðal um 1, sum er tætt við miðal hesa ársins tíð. Nógv av kiselalgunum Chaetoceros kom í bongo-netini. Tær gera langar ketur av algukyknum, sum í stóran mun verða hildnar aftur í netunum. Tær vera mettar at vera góð føði hjá tí størra djóraætinum.

Djóraætið innan fyri landgrunfrontin var ein blanding av landgrunssløgunum Acartia  og Temora, saman við Pseudocalanus og Calanus (reyðæti). Tey bæði seinnu sløgini eru upprunaliga rikin inn á Landgrunnin uttanífrá, men tey kunnu tó eisini vaksa og nørast á Landgrunninum. Ein góð spjaðing var í støddunum og sløgum av djóraæti, og tað er gott fyri fiskalarvur, tí tá hava tær góðan møguleika at finna sær føði í hóskiligari stødd, alt eftir hvussu stórar tær sjálvar eru.

Á ytru leiðunum var sum vant mest av reyðæti.

Gýtingin hjá reyðæti var í miðal 5,8 egg/hon/døgn. Ongin munur kundi staðfestast í talinum av eggum, sum hvørt kvenndjór gýtti, ávikavist á innaru og ytru leiðunum. Men av tí at meira var av reyðæti uttan fyri landgrunsfrontin, hevur samlaða gýtingin verið størri á ytru leiðunum. Rættiliga væl var av fiskalarvum av ymiskum sløgum var at fáa og tær vóru á flestøllum støðunum. Støddin lá oftst millum 1 og 1,5 cm. Seinni í ár verða sløgini, nøgdir og eisini magainnihaldið í fiskalarvunum kannað nærri.

Um túrin

Túrurin byrjaði við at royna eftir fiskalarvum á tveimum støðum í Kaldbaksfirði og Sundalagnum. Hetta var írestandi arbeiði frá seinasta túri, har viðurskifti tætt við land vóru kannað. Síðan varð hildið fram við kanningunum runt allan innara landgrunnin og stutt uttan fyri landgrunsfrontin. Fyrst eystanfyri og norðanfyri og síðan vestanfyri. Veðrið var gott og arbeiðið gekk væl.

Prøvatøka

Kannað bleiv hiti, saltinnihald, fluoroscensur og klorofyl (nøgdir av plantuæti) á 31 støðum og tøðsøltini nitrat, silikat og fosfat á 12 støðum.

Djóraætið bleiv savnað inn við bongoneti og fiskalarvur við MIK neti á øllum 31 støðum. Harumframt blivu myndir av plankton samfeløgunum tiknar á 7 støðum í einum skurði úr Høgnaboða og norðureftir. Gýtingin hjá reyðæti bleiv kannað á 17 støðum.

Reiðskapur                  

CTD, VPR, Bongo-net við 100 og 200 µm meskavídd og MIK-net við 1,5 mm meskavídd (0,5 mm í aftasta partinum).

Fólk við frá Havstovuni

Eilif Gaard og Durita Sørensen (fyrra helvt)

Durita Sørensen og Poul Vestergaard (seinna helvt)

Túrfrágreiðingar

  • Standard hydrografi – Streymmátarar upp

    Túrfrágreiðing Jákup Sverri, túrur nr. 2420 Tíðarskeið: 15-22/5 2024 Ábyrgd: Karin Margretha H. Larsen Endamál: Endamálið við túrinum var at taka streymmátarar upp og at fylgja við hydrografisku broytingunum í […]

    Les meir

  • Biologisk oseanografi

    Túrfrágreiðing Jákup Sverri, túrur nr. 2418 Tíðarskeið: 8/5-15/5 2023 Ábyrgd: Eilif Gaard Endamál: At kanna menning av plantu- og djóraplankton samfeløgunum á Landgrunninumum um várið, gýting hjá reyðæti og føðiviðurskiftini […]

    Les meir

  • Váryvirlitstroling – Landgrunnur

    Túrfrágreiðing Jákup Sverri, túrur nr. 2406 og 2408 Tíðarskeið: 14-28/02 2024 og 28/2-13/3 2024 Ábyrgd: : Petur Steingrund og Hannipoula Olsen Endamál: Høvuðsendamálið við túrinum er at fáa til vega […]

    Les meir

Viðkomandi tíðindi

  • Nógvur gróður at síggja á hydrografitúri

    Tann 15. mai fór Jákup Sverri út at taka streymmátarar upp og gera hydrografiskar kanningar. Mátað var eftir seks skurðum, harav seks vóru sonevndir standard hydrografiskir skurðir. Nógva staðni var…

    Les meira

  • Jákup Sverri kannað æti og fiskalarvur á Landgrunninum

    Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…

    Les meira

  • Gróðurin á Landgrunninum er byrjaður

    Gróðurin av plantuæti á Landgrunninum kom tíðliga í ár. Tað gevur vónir um góð føðiviðurskifti til fiskalarvurnar. Hvørja viku fær Havstovan sjógv frá Lívfiskastøðini í Skopun, sum m.a. verður kannaður…

    Les meira

  • Broytingar í plantuæti

    Nýggj grein í tíðarritinum Global Change Biology vísir, at ein sterkari subpolarur meldur eftir 2013 broytti plantuætisamfelagið fram við Europeiska landgrunninum. Plantuæti er grundarlagið undir øllum lívi í sjónum. Í…

    Les meira