{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Standard hydrografi

Jákup Sverri, túrur nr. 2352

Tíðarskeið: 25/10-1/11 2023

Ábyrgd: Karin Margretha H. Larsen

Endamál: Endamálið við túrinum var at fylgja við broytingunum í havinum kring Føroyar og at læra at brúka streymmátaran (SADCP) umborð á skipinum. Túrurin er ein partur av teimum regluligu kanningunum eftir standard hydrografiskum skurðum.

Samandráttur

Endamálið við túrinum var at fylgja við broytingum í havinum kring Føroyar. Túrurin var partur av teimum regluligu hydrografisku (hiti, salt, oksygen, tøðsølt og CO2) kanningunum eftir standardskurðum N, V, S og E, umframt skurð J.

Áherðsla bleiv eisini løgd á at læra at brúka streymmátaran undir skipinum (Shipborne Acoustic Doppler Current Profiler, SADCP), saman við teknikara frá Woods Hole Oceanographic Institute (WHOI).

Afturat hesum bleiv neyvur botnur (dýpi og tilfar) máldur í Norskahavinum, tøðevnismátingar á Føroyabanka, og so mátaðu vit nøgd av djóraæti í djúpum, køldum yvirflotsjógvi í Bankarennuni.

Mynd 1 Hiti (°C) eftir skurðunum N (fremri) og J. Sjónarhornið er úr erva og nakað eystan fyri skurðirnar.
Mynd 2 Streymferð (eystur/vestur, U-komponentur, m/s) eftir skurðunum N (fremri) og J. Gult vísir rák móti eysturi og blátt vísir vesturvent rák.
Mynd 3 Streymferð (eystur/vestur, U-komponentur í m/s, litir) og hiti (svartar isolinjur í °C)  eftir skurði N. Breiddarstig eftir x-ásini og dýpi (m) eftir z-ásini. Gult vísir rák móti eysturi og blátt vísir vesturvent rák.

Um túrin

Vit loystu mikudagin 25/10  kl. 16, og tóku skurð N (CTD, tøðsølt og ADCP) fyrst.

Síðani sigldu vit suður á støð N12, haðani vit fylgdu skurði í ein útsynning, har nógv mátiútgerð skal setast út komandi ár (august 2024 til august 2025). Vit tóku botnmátingar her við ekkoloddinum (EK80), og tveir CTD-profilar fyri at rokna ljóðferðina í sjónum, sum síðani verður brúkt til at betra um neyvleikan á botndata. Hesi data verða brúkt til at fyrireika útleggingarnar komandi ár.

Síðani sigldu vit suður á nýggja skurðin J, hvørs endamál er at eftirkanna, um strála av vesturvendum yvirflotssjógvi finst undir heita Atlantssjónum. Streymmátarin vísti slíkan djúpan “jet”, men fleiri mátingar mugu til fyri at staðfesta, hvussu støðufastur hesin streymur er. Vit skiftu telduútgerðina til SADCPara (frá VmDAS til UHDAS). Fóru inn á Sørvág at skifta skipara.

Leygarmorgunin (28/10) byrjaðu vit skurð V og royndi eisini ein multiglúp miðskeiðis í Bankarennuni. Hesin savnar djóraæti í fimm valdum løgum, í tí kalda yvirflotsjónum, í heitara Atlanssjónum og í blandingsløgum millum hesi ymsu sløg av sjógvi. Skurður V bleiv tikin heilt út á Føroyabanka, har vit eisini gjørdu mátingar av tøðevnum á tveimum teimum vestastu støðunum (V09 og V10). Hetta er fyrstu ferð, at slíkar mátingar eru gjørdar á Bankanum á standard hydrografitúri.

Sum nakað nýtt fóru vit norður av Bankanum og fylgdu streyminum av djúpum yvirflotsjógvi út úr Bankarennuni, har ADCP-mátingarnar vórðu brúktar sum vegleiðing. Miðskeiðis eftir djúpu stráluni tóku vit tríggjar profilar við multinetinum vestur úr munnanum á Bankarennuni.

Sunnudagin 29/10 sigldu vit suður gjøgnum Bankarennuna (gjøgnum tær fýra støðirnar har multiglúpur varð tikin) og suður um Munkagrunnin við SADCPara og ekkoloddi tendraðum. Nýggju dataini frá hesi siglirás stuðla undir eldri mátingum sum indikera, at yvirflotsjógvur rennur við nógvari ferð í dýpinum sunnan fyri Munkagrunnin á síni leið móti Bankarennuni.

Vit byrjaðu skurð S á støð S04 og tóku hann suður á støð S14. Vegna tíðartrot endaðu vit skurðin á eini støð, sum lá nakað norðari enn standardstøð S15. Hóast vit høvdu væntað at síggja djúpa suðurvenda streymin, nevndur Faroe-Shetland Channel Jet (FSCJ), so var hesin ikki sjónskur í streymmátingunum.

Síðani varð siglt norður á eystara enda á skurði E, og týsdagin 31/10 bleiv hesin tikin í fullari longd móti Føroyum.

Prøvar vórðu eisini tiknir at máta tøðsølt og CO2 á ásettum støðum á skurðunum N, V, og E.

Vit vóru á Havnini aftur mikumorgun 1. november kl 8.

Prøvatøka

Prøvatøka / DataYvirlit
Ávegis dátusavnari (Ferrybox)                 Vatnskorpa 8/6 til 13/6
CTD støðir73 støðir (68 standardstøðir á skurðunum N, J, V, S og E + tríggjar eyka støðir í Bankarennuni og tvær eyka støðir norðanfyri)
CO2, tøðsølt og planktonÁ skurðunum N, V og E
SaltprøvarÁ flestu CTD-støðum í stabilum sjógvi
Multiglúpur                Fýra støðir í og vestur úr Bankarennuni
Streymmátari (SADCP)Eftir allari siglirásini
Ekkolodd (EK80)Tað mesta av siglirásini
Neyvt skap á botninum (Multibeam)Á útvaldum strekkjum
Tilfar í botninum (Topas)Á útvaldum strekkjum
Talva 1. Mátingar og prøvar, sum blivu tiknir á túrinum.

Reiðskapur                  

Seabird-CTD við rosettu, ekkoloddini á skipinum, streymmátari undir skipinum, multiglúpur.

Viðmerkingar

Saltprøvarnir verða analyseraðir á heysti 2023.

Fólk við frá Havstovuni

Hjálmar Hátún (kanningarleiðari)

Regin Kristiansen

Eilif Gaard

Leon Smith

Fólk við frá øðrum landi

Frank Bahr, Woods Hole Oceanographic Institute (WHOI)

Túrfrágreiðingar

  • Standard hydrografi – Streymmátarar út

    Túrfrágreiðing Jákup Sverri, túrur nr. 2424 Tíðarskeið: 7-10/6 2024 Ábyrgd: Karin Margretha H. Larsen Endamál: Endamálið við túrinum var at fylgja við broytingunum í havinum kring Føroyar, og at leggja […]

    Les meira

  • Standard hydrografi – Streymmátarar upp

    Túrfrágreiðing Jákup Sverri, túrur nr. 2420 Tíðarskeið: 15-22/5 2024 Ábyrgd: Karin Margretha H. Larsen Endamál: Endamálið við túrinum var at taka streymmátarar upp og at fylgja við hydrografisku broytingunum í […]

    Les meira

  • Standard hydrografi

    Jákup Sverri, túrur nr. 2352 Tíðarskeið: 25/10-1/11 2023 Ábyrgd: Karin Margretha H. Larsen Endamál: Endamálið við túrinum var at fylgja við broytingunum í havinum kring Føroyar og at læra at […]

    Les meira

Viðkomandi tíðindi

  • Nógvur gróður at síggja á hydrografitúri

    Tann 15. mai fór Jákup Sverri út at taka streymmátarar upp og gera hydrografiskar kanningar. Mátað var eftir seks skurðum, harav seks vóru sonevndir standard hydrografiskir skurðir. Nógva staðni var…

    Les meira

  • Er “Golfstreymurin” í ferð við at vikna?

    Í nýggjari grein í vísindaliga tíðarritinum Science Advances vísa hollendskir granskarar á, at ”Golfstreymurin” er á veg á eitt markamót. Hetta byggja teir á úrslit frá eini royndarkoyring við nýggjastu…

    Les meira

  • Nýggj ritgerð um heita rákið millum Ísland og Føroyar

    Nýggj vitan um rákið av heitum sjógvi norðan fyri okkum er júst komin í vísindatíðarritinum Ocean Science. Tvørtur um undirsjóvarryggin millum Ísland og Føroyar rekur heitur sjógvur úr Atlantshavi inn…

    Les meira

  • Hitabylgja í havinum

    Seinastu 1-2 vikurnar hevur ein hav-hitabylgja tikið seg upp í eystara parti av Norðuratlantshavi. Hitabylgjan hevur verið serliga ógvuslig í økinum vestan fyri Írland og Skotland. Sjógvur frá vestara parti…

    Les meira