Havið

Havið Hiti og salt Rák Havsúrgan

Lívið í havinum

Lívið í havinum Fiskur Havsúgdjór Sjófuglur Djóraplankton Plantuplankton

Tilmæli

Tilmæli Tilmæli frá Havstovuni Tilmæli frá ICES Um stovnsmeting

Fiskalisti

Tíðindi

Um Havstovuna

Um Havstovuna Samband Jákup Sverri Starvsfólk Sæð okkurt spennandi? Ofta spurt Búmerki

Heystyvirlitstroling – Landgrunnur

Jákup Sverri, túrur nr. 2336 og 2338

Tíðarskeið: 05-16/08 2023 og 16-28/8 2023

Ábyrgd: Petur Steingrund og Hannipoula Olsen

Endamál: Høvuðsendamálið við túrinum er at fáa til vega taltilfar, ið skal nýtast í stovnsmetingunum av toski, hýsu, upsa, longu og gulllaksi o.ø. fiskasløgum; t.e. veiða í vekt og í tali, longdarbýti, vektbýti, aldursbýti, kynsbýti og kynsbúning av nevndu sløgum. Umframt skal vekt, tal og longdarbýti skrásetast fyri øll fiskasløg, ið verða veidd. Eisini skulu magakanningar gerast av toski, hýsu, upsa, longu og gulllaksi. Sjóvarhitin við botn skal eisini skrásetast.

Samandráttur

Yvirlitstrolingin á føroyska landgrunninum í august vísti, at tað var lítið at fáa av toski, longu og tungu í mun til onnur ár, meðan tað var nógv at fáa av hýsu, hvítingsbróðri, svartkjafti og blálongu (Talva 1, Mynd 1). Nøgdirnar av reyðsprøku, upsa, brosmu og stóra kongafiski vóru nakað tær somu sum undanfarin ár. Magakanningarnar vístu, at tað var sera lítið til av nebbasild. Toskurin og hýsan vóru rímiliga væl í holdum.

Talva 1. Samlað veiða í kg, veiðan í kg per tíma, nytrur og magar fyri tær 198 støðirnar.

FISKASLAG	KG íalt	KG/tíma	Nytrur	Magar
HYSA	63600.6	321.2	928	283
SVARTKJAFTUR	37388.7	188.8	45
GULLAKSUR	18811.4	95.0	628	5
HVITINGSBRODIR	17520.2	88.5	17	7
S. VIVIPARUS	12545.9	63.4
UPSI	10009.8	50.6	1033	209
HVITINGUR	4838.1	24.4	5
TOSKUR	2709.1	13.7	789	184
S. MARINUS	2328.4	11.8
HAVMUS	2266.5	11.4
MAKRELUR	2024.8	10.2
LONGA	1953.3	9.9	255	5
KNURRHANI	1837.9	9.3
TUNGA	781.4	3.9	337	48
BLALONGA	704.6	3.6	124	24
REYDSPROEKA	591.6	3.0	214	31
HAVTASKA	493.1	2.5	51	9
SILD	451.4	2.3
SVARTKALVI	434.1	2.2	37	22
S. MENTELLA	387.2	2.0
KJAFTSVARTI KONGAFISKUR	324.2	1.6
BROSMA	259.6	1.3	207	4
SANDSPROEKA (LL)	183.4	0.9
AGNHOEGGUSLOKKUR	170.1	0.9
HVASSASPREK	123.2	0.6
HVALSPYGGJ	120.7	0.6
LYRUR	68.0	0.3
KALVI	66.5	0.3	1	1
LALLA	63.4	0.3
SKOETA(BATIS)	63.3	0.3
SILVUR MURTUR	53.3	0.3
ACTINIARIA	51.8	0.3
LITLA BROSMA	43.2	0.2
BUKSVARTI HAVUR	41.2	0.2
JAKUPSSKEL	36.8	0.2
HALAHVASSA SKOETA	34.5	0.2
LOLIGO	33.4	0.2
GEODIA SP	33.1	0.2
TINDASKOETA	32.2	0.2
STEINBITUR	28.3	0.1
ECHINIDAE(IGULKER)	26.3	0.1
BLAGOMUR	20.5	0.1
LYCODES ENDIPLEURISTCTUS	19.8	0.1
MEDUSAHØVD	10.8	0.1
ASTERIIDAE	10.7	0.1
KLINGRUSKOETA	10.1	0.1
HOLOTHUROIDEA	9.9	0.1
ØDA	9.3	0.0
STORA LAKSATOBIS	8.7	0.0
PURPURIGULKER	7.1	0.0
LYSINGUR	3.8	0.0
KJAFTSVARTI HAVUR	3.3	0.0
ULVFISKUR	2.8	0.0
BLARIDDARI	2.8	0.0
GLASKVOYSA	2.2	0.0
GAGGUKRABBI	1.3	0.0
SOLASTERIIDAE	1.2	0.0
GAGGA	1.0	0.0
PORIFERA	0.7	0.0
AGNGAGGA	0.6	0.0
MAKRELGEDDA	0.6	0.0
AXINELLA INFUNDIBULIFORMIS	0.5	0.0
NEBBASILD	0.3	0.0
KROEKILSKRUTT	0.2	0.0
HUMMARI	0.2	0.0
MURRIKRUTT	0.1	0.0
PHAKELLIA SP	0.1	0.0
LITLA LAKSATOBIS	0.0	0.0
Tilsamans	183663.4	927.6	4671	832

Um túrin

Vit byrjaðu túrin týskvøldið 8. august klokkan 21. Tann fyrra túrin lógu vit mest vestanfyri og sunnanfyri, við tað at veðrið var gott. Tann seinna túrin lógu vit eystanfyri og norðanfyri. Tað eydnaðist at taka 198 av teimum 200 støðunum. Vit endaðu yvirlitstrolingina sunnudagin 27. august um kvøldið.

Prøvatøka

Veiðan varð viðgjørd sambært kanningarætlanini og sýnishondbókini. Yvirlit yvir veiðu, nytrur og magar (Talva 1) er víst niðanfyri. Búningarstigini til botnfisk (bústig 1-7, talva 4.4.1 í sýnishondbókini) varð brúkt fyri øll fiskasløg, undantikið millum annað gulllaks (bústig 1-7, egin) og havtasku (bústig 1-5, egin). Hvørt hál vardi ein tíma.

Reiðskapur                   

Stjørnutrol við 40 mm meskum í posanum. Rockhopper grunnur (24-24in), Seahunter Vágslemmar (6.5m2; 2.250 kg), 60 m breitlar, SIMRADTV80 sensorar á fiskilínuni og lemmunum. Starmon-Oddi temperatur- og dýbdarmátari festur á høvðuslínuni. Ferry boks (ávegis datusavnari), Ekkolod EK80 (18, 38, 120, 200 og 300 kHz) og skips ADCP’ari skal logga allan túrin.

Viðmerkingar               

Viðmerkingar (smálutir av ymsum slagi) til túrin eru skrivaðar í imp-útskriftirnar og í fylgiskjal.

Fólk við frá Havstovuni

Petur Steingrund, kanningarleiðari á túri 2336, og Hannipoula Olsen, kanningarleiðari á túri 2338. Onnur fólk, sum vóru við allan túrin ella partar av tíðarskeiðnum: Marit Pedersen, Durita Sørensen, Regin Kristiansen, Heri Kallsoy, Jens Arni Thomassen, Poul Vestergaard, Luis Ridao Cruz, Tóra W. Reinert, Christina Joensen og Jóhanna Steintún.

Túrar

Jákup Sverri