Reyðæti í Bankarennuni

Túrfrágreiðing

Jákup Sverri, túrur nr. 2444

Tíðarskeið: 2-9/10 2024

Ábyrgd: Eilif Gaard

Endamál: Um heystið og veturin er reyðæti í dvala í djúpum sjógvi. Ein partur av tí reyðætinum, sum er
í Norðurhøvum um veturin, verður fangað í tí djúpa streyminum, sum rekur úr Norskahavinum, suður ígjøgnum Hetlandsrennuna og víðari norðueftir ígjøgnum Bankarennuna, haðani tað spjaðist vestureftir. Endamálið við túrinum var at kanna:

• Rák og spjaðing av djúpum køldum sjógvi, sum rekur ígjøgnum Bankarennuna og víðari vestureftir,
• Nøgdirnar av reyðæti (Calanus finmarchicus), sum um veturin er í hesum sjónum,
• Hvussu reyðæti er fyri, tá tað rekur norðureftir ígjøgnum Bankarennuna og víðari vestureftir. Miðað verður ímóti at fáa staðfest, um ella hvussu nógv av reyðætinum yvirlivir sína ferð ígjøgnum Bankarennuna og víðari vestureftir um veturin.

Kanningin er partur av  verkætlanini COPS, sum er í granskingarprogramminum MARINAO. Verkætlanin er fíggjað við játtan á donsku fíggjarlógini og Havstovuni.