Havið

Havið Hiti og salt Rák Havsúrgan

Lívið í havinum

Lívið í havinum Fiskur Havsúgdjór Sjófuglur Djóraplankton Plantuplankton

Tilmæli

Tilmæli Tilmæli frá Havstovuni Tilmæli frá ICES Um stovnsmeting

Fiskalisti

Tíðindi

Um Havstovuna

Um Havstovuna Samband Jákup Sverri Starvsfólk Sæð okkurt spennandi? Ofta spurt Búmerki

Svartkalvi

Jákup Sverri, túrur nr. 2326

Tíðarskeið: 1/6-7/6 2023

Ábyrgd: Petur Steingrund og Lise Helen Ofstad

Endamál:

Høvuðsendamálið við túrinum er at kanna svartkalva: Nøgd, longd, vekt, aldur, kyn og kynsbúning. Umframt skulu kanningar eisini gerast av øðrum fiskasløgum (m.a. longu, brosmu og blálongu), sum verða fingin.

Samandráttur

Fyribilsúrslit frá árliga svartkalvatúrinum gav í miðal 95 kg svartkalva per troltíma (Mynd 1). Í miðal fyri árini 1995-2022 vóru fiskað 117 kg av svartkalva um tíman, so í 2023 var veiðan eitt vet undir miðal. 12 av 15 støðum vórðu góðkendar.
Av 1943 longdarmátaðum svartkalvum vóru umleið 73% millum 45 og 60 cm langir (Mynd 2). 260 svartkalvanytrur vórðu tiknar. Veiðan, tal av nytrum, magar v.m. sæst í Talvu 1. Haraftran vórdu 20 prøvar til genetikk tiknir av halahvøssu skøtu til Havrannsóknarstovnin í Noregi.

Talva 1. Veiða, nytrur og tal av støðum pr. fiskaslag.

Fiskaslag	Kg í alt	Nytrur	Tal av støðum
SVARTKALVI	6677.811	260	11
TRANTKONGAFISKUR	1743.175		12
STÓRI KONGAFISKUR	1431.594		10
UPSI	301.780	11	6
TINDASKØTA	271.803		10
HALAHVASSA SKØTA	265.905		7
SVARTKJAFTUR	239.497		12
GULLLAKSUR	164.153		9
LÍTLI KONGAFISKUR	148.404		6
BLÁLONGA	142.335	31	9
BLÁGÓMA	108.160		6
HAVTASKA	84.980	3	3
HVÍTASKØTA	72.448		4
BROSMA	55.950	24	9
ÍSHAVSSKØTA	50.781		1
LÁLLA	34.688		8
SKØTA (D.BATIS)	32.400		2
TOSKUR	27.425	2	5
KLINGRUSKØTA	24.051		7
LONGA	22.310	2	4
HVASSASPREK	11.114		7
ÚLVFISKUR	10.435		2
LIRI	7.470		1
SILD	4.962		2
HAVMÚS	2.330		1
LÍTLABROSMA	2.055		1
MJÁI PRIKKAFISKUR	0.585		3
KJAFTSVARTI KONGAFISKUR	0.333		1
LAKSATOBIS	0.089		2
LODNA	0.034		2
ÍSHAVSSÚGFISKUR	0.032		1
YMISKT(ostur, skrambul v.m)	66.485
TILSAMANS	12005.574	333	12

Um túrin

Fóru av Havnini kl. 22:15, 1. juni 2023. Tóku tvey hál á umleið 100 m dýpi eftir hvítingsbróður (turur 2325). Sigldu so í ein norðan, har botndýpið var umleið 400 metrar og tovaðu suðureftir á dýpi millum 400 og 500 m. Komu á Havnina kl. 7:00 tann 7. juni og landaðu. Veðrið var gott allan túrin.

Prøvatøka

Veiðan varð viðgjørd sambært kanningarætlanini og Sýnishondbókini. Yvirlit yvir veiðu og nytrur (Talva 1) er víst omanfyri. Harumframt vóru av svartkalvi 29 magar kannaðir og 26 kruvdir svartkalvar og 28 gonadur og livrar vigað. Búningarstigini til botnfisk (bústig 1-7, talva 4.4.1 í Sýnishondbókini) vóru brúkt fyri øll fiskasløg, undantikið gulllaks (bústig 1-7, egin), kongafisk (bústig 1-4, talva 4.4.3) og havtasku (bústig 1-5, egin).

Reiðskapur                  

Stjørnutrol við 135 mm meskum í posanum. Rockhopper grunnur (24-24in), Seahunter Vágslemmar (6.5m²; 2.250kg). 60/120 m breitlar. Starmon-Oddi temperatur- og dýbdarmátari festur á høvðuslínuni.

Viðmerkingar

Viðmerkingar (smálutir av ymsum slagi) til túrin eru skrivaðar í útskriftirnar.

Fólk við frá Havstovuni

Marit Pedersen (kanningarleiðari) og Guðrún B. Bech.

Túrar

Jákup Sverri