Tíðindi

Jákup Sverri

Tilmæli

Havið

Djóralisti

Heystyvirlitstroling – Føroyabanki

Jákup Sverri, túrur nr. 2344

Tíðarskeið: 6/9-12/9 2023

Ábyrgd: Petur Steingrund

Endamál: Høvuðsendamálið við túrinum er at fáa til vega tilfar, ið skal lýsa nøgdirnar av toski, hýsu, upsa og øðrum fiskasløgum á Føroyabanka. Magakanningar vóru eisini gjørdar umframt at sjóvarhitin í trolinum var skrásettur.

Samandráttur

Hetta var árliga heystyvirlitstrolingin á Føroyabanka, har tilsamans 29 hál á ein tíma vóru tikin. Tað var meira at fáa av toski í mun til onnur ár soleiðis at nøgdin var tann størsta, síðan hesar yvirlitstrolingarnar byrjaðu í 1996 (Mynd 1). Hetta var mest sera stórur toskur tó at smærri toskar vóru uppií. Tað var eisini sera nógv at fáa av hýsu, tó at nøgdin helst er minkandi. Nøgdin av longu er komin niður á eitt vanligt støði. Nøgdin av upsa hevur verið lítil í nógv ár. Magakanningarnar vístu, at toskur át ein blanding av nebbasild og krabbadýrum. Hýsan át ormastjørnur, ormar og viðhvørt nebbasild. Sjóvarhitin lá um 9-11 ^oC. Tiknar vóru CTD-støðir og eisini vóru kanningar gjørdar av umhvørvis-DNA (e-DNA).

Talva 1. Veiða í kg, nytrur og magar á túri 2344, har 29 hál á ein tíma vóru tikin

FISKASLAG	KG	NYTRUR	MAGAR
Hýsa	25992,230	413	75
TOSKUR	12027,980	404	46
KNURRHANI	3150,928
SVARTKJAFTUR	2143,630
GULLLAKSUR	1633,274
HAVMÚS	1007,777
HVALSPÝGGJ	800,728
MATHØGGUSLOKKUR	363,704
GLÝSUFISKUR	245,521
UPSI	231,370	33	10
LONGA	158,085	27
HAVTASKA	112,395	4	2
KJAFTSVARTI KONGAFISKUR	107,390
HVÍTINGUR	82,204
GAMAL FISKUR	78,053
SILVURMURTUR	43,076
LÍTLI KONGAFISKUR	42,512
HVÍTINGSBRÓÐIR	19,090
NAGLASKØTA	17,390
SKØTA(BATIS)	17,250
AGNHØGGUSLOKKUR	15,543
HAVÁLLUR	12,600
TUNGA	11,461
NEBBASKØTA	8,725
STÓRI KONGAFISKUR	7,850
HEKSAKRABBI	7,267
IGULKER PURPUR	6,677
IGULKER ECHINIDAE	6,623
STREYMSILD	6,484
HVASSHVOYSA	6,191
SJÓNOTA	4,773
SANDSPRØKA (LL)	4,717
NJARÐARVØTTUR	3,716
LÍTLABROSMA	2,940
SVARTFISKUR	0,955
ROSSAMAKRELUR	0,480
VØRPUSKEL	0,195
SKRAMBUL	0,161
NEBBASILD	0,071
KROSSFISKUR ASTERIIDAE	0,017
GÁGGUKRABBI (P. BERNHARDUS)	0,011
TILSAMANS	48382,05	881	133

Um túrin

Túrurin byrjaði mikukvøldið 7/9 kl. 19 og vit byrjaðu at taka støðir hósmorgunin, tí trolað varð bert um dagin. Tað var liðugt at taka tær 29 fiskistøðirnar týsdagin 12/9. Vit landaðu mikumorgunin 13/9 í Tórshavn. Veðrið var sera gott allan túrin.

Prøvatøka

Veiðan varð viðgjørd sambært kanningarætlanini og Sýnishondbókini. Yvirlit yvir veiðu, nytrur og magar (Talva 1) er víst niðanfyri. Búningarstigini til botnfisk (bústig 1-7, talva 4.4.1 í Sýnishondbókini) vóru brúkt fyri øll fiskasløg, undantikið gulllaks (bústig 1-7, egin) og kongafisk (bústig 1-4, talva 4.4.3).

Reiðskapur                   

Stjørnutrol við 40 mm meskum í posanum. Rockhopper grunnur (24-24in), Seahunter Vágslemmar (6.5m2; 2.250 kg), 60 m breitlar, Ekkolod EK80 (18, 38, 20, 120, 200 og 300 kHz), SIMRADTV80 sensorar á fiskilínuni og lemmunum. Starmon-Oddi temperatur og dýpdarmátarar festir í stálslíra á høvuðslínuni.

Viðmerkingar               

Viðmerkingar (smálutir av ymsum slagi) til túrin eru skrivaðar í imp-útskriftirnar og í tekstdokument.

Fólk við frá Havstovuni

Petur Steingrund, Regin Kristiansen, Poul Vestergaard, Ian Salter og Marit Pedersen. Ian Salter hevði tvey fólk við í samband við kanningar av e-DNA. Tvey fólk frá Umhvørvisstovuni gjørdu eisini dýpdarkanningar av botninum.

Túrar

Jákup Sverri