Aftur til 
Vís undanfarnu úrslit
Alosa fallax
Stavsild hevur sildaskap. Kropshæddin við uggafjaðrarnar er minni enn høvuðlongdin. Hon hevur hvøss kjalarskrubb frá øsinum aftur til gotið. Hon hevur eina ryggfjøður, ið situr beint framman fyri miðjuna. Yvirkjafturin hevur eina týðiliga kloyvu í miðjuni. Kjaftarnir báðir eru eins til longdar, tó hava ungir fiskar lítið yvirbit. Kápan er ríput á skák niður aftureftir. Bulurin er nakað høgur og flatur. Sterturin er nógv sýldur. Táknatindarnir eru 40-60 á fremsta táknaboga (inni í boganum).
Undir Íslandi er hon, tó ikki á Norðurlandinum. Undir Føroyum, í Norðsjónum, í Eystarasalti, suður til Marokko, fram við landi um alt Miðjarðarhavið og í syðra parti av Svartahavinum. Av og á er hon veidd inni á firðum í Føroyum.
Stødd
Stavsild verður í mesta lagi um 60 cm, vanliga 20-40 cm.
Dýpi
Hon er uppsjóvarfiskur, bæði inni við land og til havs. Stavsild gýtir í blandingsvatninum niðast í stóru áunum á meginlandinum.
Litur
Hon er blágrøn á bakinum, hevur gylta kápu, silvurhvít um síðurnar og undir búkinum. O fta við blettum frá kápuni og aftur á hálvan fiskin. Blettirnir eru einir 6-7 í tali.
Eyðkenni
Táknatindarnir, ríputa kápan, blettirnir eftir síðunum. Hon sæst sjáldan.
Týdningur
Stavsild hevur lítlan vinnuligan týdning.
| Før: | Stavsild |
| Lat: | Alosa fallax |
| Dan: | Stavsild, Stamsild |
| Eng: | Twaite shad |
| Fin: | Täpläsilli, Taplasilli, Taplasilti |
| Fra: | Alose feinte, Caluyau, Demoiselle, Enquette, Finte, Fleinte |
| Gri: | Frissa |
| Ísl: | Augnasild |
| Ita: | Cheppia, Laccia |
| Ned: | Fint, Meivisch |
| Nor: | Stamsild |
| Pol: | Finta, Alosa finta, Parposz |
| Por: | Savelha, Saboga |
| Rus: | Finta |
| Spa: | Saboga, Cheppia, Laccia, Lacha |
| Sve: | Staksill, Stamsill, Stoksill |
| Týs: | Finte, Bajeckens, Elben |
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
