{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Sporllangi úlvfiskur

Lycodonus flagellicauda

Sporllangi úlvfiskur er langur og klænur fiskur. Strikurnar eru tvær, men tær eru ótýðiligar, serliga tann ovara. Tann niðara gongur av nakkanum yvir uggafjøðurini til fremra enda á gotfjøðurini og eitt sindur afturfrá. Hin er frá sporlsendanum fram til gotið. Hann hevur eina ryggfjøður og eina gotfjøður, sum renna saman aftast á sporlsendanum. Stertur er eingin. Ryggfjøðurin byrjar yvir aftasta triðingi á uggafjøðurini. Tvørskurðurin av kroppinum er nærum rundur, uttan aftast, har hann smalkar eitt lítið sindur. Av heildarlongdini er: kroppshæddin við fremra enda á gotfjøður 3,5-4,5%, longdin av gronini til fremra enda á gotfjøður 24-28%, av gronini til ryggfjøðurina eru 18-21%, høvdið er 13-15%. Høvdið er breitt og flatt. Kjafturin situr væl inni undir gronini og kemur aftur til fremru rond á eyganum. Hann hevur stórar poknur í yvirkjaftinum og undirkjaftinum. Sum tann einasti av úlvfiskunum, hevur sporllangi úlvfiskur smáar beinplátur fram við festunum á ryggfjøðurini og gotfjøðurini.

Útbreiðsla

Sporllangi úlvfiskur er frá Svalbarði suður til Íslands og Føroya. Hann er í Hetlandsrennuni suður til Bankaryggin, og í Davisfirði.

Stødd

Sporllangi úlvfiskur verður upp í umleið 22 cm langur.

Dýpi

Hann er bert fingin á dýpum millum 800 m og 2000 m.

Litur

Hann er javnt brúnur, grábrúnur. Ungir fiskar hava sterkan bláan lit um búkin. Hann hevur myrkt royggj.

Eyðkenni

Hesin úlvfiskurin hevur mest sum rundan tvørskurð. Beinpláturnar við fjøðurfestini.

Týdningur

Hann hevur ikki vinnuligan týdning.

Nøvn á fiski á øðrum máli
Før:Sporllangi úlvfiskur
Lat:Lycodonus flagellicauda
Ísl:Aurláki, Leðjuláki
Nor:Spisshalet ålebrosme
Pol:Likodyn

Viðkomandi tíðindi

  • Toskur á Føroyabanka – hvar er hann komin frá?

    Innleiðsla Tað er eisini munur á arvatilfarinum hjá toski á Føroyabanka samanborið við aðrar toskastovnar. Toskur á Føroyabanka veksur sera skjótt fyrstu árini og er longu yvir 80 cm langur…

    Les meira

  • Úrslit frá yvirlitstrolingunum í summar

    Rannsóknarskipið “Jákup Sverri” er liðugur við yvirlitstrolingarnar á sumri í ár. Rannsóknarskipið tók 198 hál á føroyska landgrunninum, har hvørt hál vardi ein tíma. Tað var sera lítið at fáa…

    Les meira

  • Minni av makreli í Norðurhøvum

    Makrelkanningarnar í juli vístu, at minni av makreli er í Norðurhøvum enn undanfarin ár. Vísitalið er tað minsta síðani 2007. Samanborið við í fjør er minkingin umleið 40 %. Mest…

    Les meira

  • Jákup Sverri liðugur við makrelkanningar

    Mánadagin 17. juli kom Jákup Sverri aftur av árligu makrelkanningunum norðanfyri. Makrelur var fingin víða um í kanningarøkinum, men fyri tað nógva í smáum nøgdum. Ábendingar vóru um, at útbreiðslan…

    Les meira