Aftur til 
Vís undanfarnu úrslit
Nemichthys scolopaceus
Snípuállur er langur og klænur. Ein fiskur, sum er 1 metur til longdar, er ongastaðni tjúkkari enn 1,5 cm í tvørmát. Hann hevur langt og klænt nev, tað ovara er bogið uppá, tað niðara niðurá. Hann hevur eina ryggfjøður og eina gotfjøður, tær eru ávikavist av nakka og úr goti og enda í spíss aftast á fiskinum. Hann hevur smáar uggafjaðrar og ongar búkfjaðrar. Gotið er heilt frammi undir búkinum.
Snípuállur er í øllum heimshøvunum, norður og suður móti tí kalda sjónum í Arktis og Antarktis. Hann fæst av og á í føroyskum sjógvi.
Stødd
Snípuállur verður í mesta lagi 130 cm langur.
Dýpi
Hann er úr vatnskorpuni niður á 2000 m, møguliga heilt niður á 6000 m. Hann fæst vanligast úr 4-500 m niður á 1800 m.
Litur
Hann er brúnligur, dimmur á bakinum. Svartur undir búkinum og um búkfjøðurina.
Eyðkenni
Tað óvanliga skapið, liturin, og ikki minst nevið, og tað, at ryggfjøðurin byrjar fremri enn uggafjøðurin.
Týdningur
Hann hevur ikki vinnuligan týdning.
| Før: | Snípuállur |
| Lat: | Nemichthys scolopacaeus |
| Dan: | Sneppeål, Langhalet sneppeål |
| Eng: | Slender snipe eel, Atlantic snipe eel, Avocet |
| Fin: | Nokka-ankerias |
| Fra: | Avocette ruban, Anguille becasse, Anguille bécasse |
| Ísl: | Álsnípa, Snípuáll |
| Ita: | Beccaccino di mare |
| Jap: | Shigi-unagi |
| Nor: | Sneppeål |
| Pol: | Nitkodziobek |
| Spa: | Pez Agazadicha |
| Sve: | Trådål |
| Týs: | Schnepfenaal, Bekkasinefisch |
| USA: | Slender snipe eel, Atlantic snipe eel |
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
