Vís undanfarnu úrslit
Smátindabak
Notacanthus bonaparte
Smátindabak er langur og smalur fiskur. Tað er nakað hávaksið, smalkar aftureftir út í ein lítlan stert. Ryggfjøðurin er bert eitt rað av píkum. Tað hevur langa gotfjøður, fremst píkar og bleytar teinar aftast. Búkfjaðrarnar eru samanvaksnar og sita aftur móti gotinum. Tað hevur smáar uggafjaðrar. Høvdið er væl longri enn kropshæddin. Smátindabak hevur framstandandi og avrundaðan trant. Kjafturin er lítil og situr væl inni undir trantinum, aftur undir eyguni. Tað hevur langa kápu.
Útbreiðsla
Smátindabak er í Atlantshavinum, úr Grønlandsfirði suður til Móritania og vestara part av Miðjarðarhavinum. Tað er eisini fingið undir Íslandi. Sjáldsamur fiskur undir Føroyum, men smátindabak er fingið sunnan fyri Føroyabanka og har um leiðir.
Stødd
Smátindabak verður upp í umleið 40 cm langt.
Dýpi
Tað er við botnin og uppi í sjónum úr 700 m niður á 2000 m.
Litur
Smátindabak er grátt til reyðblátt. Kápukantarnir eru dimmir.
Eyðkenni
Kjafturin kemur aftur undir eyguni. Fremsti ryggpíkur er aftari enn búkfjaðrafestini.
Týdningur
Tað hevur ikki vinnuligan týdning.
Nøvn á fiski á øðrum máli
| Før: | Smátindabak |
| Lat: | Notacanthus bonapartei |
| Dan: | Bonapartes pigål |
| Eng: | Shortfin spiny eel |
| Ísl: | Smábroddabakur |
| Spa: | Anguila de Bonaparte |
Vit viðmæla
Viðkomandi tíðindi
Framvegis nógv av toski á Føroyabanka, sum tó er rak í mun til onnur ár
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
Virkið ”NFCS Northern Fish Cold Storage” vann lutakast
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tilmæli 2024
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
