{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Smáskrubbuti glámur

Alepocephalus agassizii

Bulurin er hægstur um uggafjaðrarnar. Hann hevur eina lága ryggfjøður aftan fyri miðjan ryggin og aftur móti klingruni. Undir henni, heldur aftari, er ein gotfjøður umleið somu stødd. Hann hevur smáar uggafjaðrar og smáar búkfjaðrar, sýldan stert. Eyguni eru størri enn gronin frammanfyri, og aftari kantur á eygunum er framman fyri miðjuna á høvdinum. Høvdið er longri enn bulahæddin. Hann hevur smáar roðslur. Ovara kjaftbein er umleið undir aftaru trom á eygnasteininum. Hann hevur beina striku.

Útbreiðsla

Smáskrubbuti glámur er onkuntíð fingin út av Lúsabanka, er annars frá Vesturafrika norður til Íslands og Grønlands. Hann er eisini við bankar og tindar í Atlantshavinum. Vestanfyri í Atlantshavinum er hann frá Honduras til Davisfjørð.

Stødd

Smáskrubbuti glámur verður upp í 90 cm langur.

Dýpi

Hann er á dýpum úr 600 m niður á 2500 m.

Litur

Óskalaður er hann svartur, men trolveiddur er hann brúnligur, tí slipa og roðsla eru sjavað burtur.

Eyðkenni

Longdin á kjaftinum, liturin, smáu roðslurnar, langa høvdið, teinatalið, og at hann hevur eingi ljósgøgn.

Týdningur

Smáskrubbuti glámur hevur ikki vinnuligan týdning.

Nøvn á fiski á øðrum máli
Før:Smáskrubbuti glámur
Lat:Alepocephalus agassizi
Dan:Agassiz glathovedfisk
Eng:Agassiz slickhead, Agassiz smooth head
Ísl:Berhaus

Viðkomandi tíðindi

  • Toskur á Føroyabanka – hvar er hann komin frá?

    Innleiðsla Tað er eisini munur á arvatilfarinum hjá toski á Føroyabanka samanborið við aðrar toskastovnar. Toskur á Føroyabanka veksur sera skjótt fyrstu árini og er longu yvir 80 cm langur…

    Les meira

  • Úrslit frá yvirlitstrolingunum í summar

    Rannsóknarskipið “Jákup Sverri” er liðugur við yvirlitstrolingarnar á sumri í ár. Rannsóknarskipið tók 198 hál á føroyska landgrunninum, har hvørt hál vardi ein tíma. Tað var sera lítið at fáa…

    Les meira

  • Minni av makreli í Norðurhøvum

    Makrelkanningarnar í juli vístu, at minni av makreli er í Norðurhøvum enn undanfarin ár. Vísitalið er tað minsta síðani 2007. Samanborið við í fjør er minkingin umleið 40 %. Mest…

    Les meira

  • Jákup Sverri liðugur við makrelkanningar

    Mánadagin 17. juli kom Jákup Sverri aftur av árligu makrelkanningunum norðanfyri. Makrelur var fingin víða um í kanningarøkinum, men fyri tað nógva í smáum nøgdum. Ábendingar vóru um, at útbreiðslan…

    Les meira