{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Skrubbuti úlvfiskur

Lycodes squamiventer

Skrubbuti úlvfiskur er langur og smidligur fiskur. Hann hevur ikki stert, men ryggfjøður og gotfjøður ganga saman í ein spíss aftast á sporlsendanum. Við fremra enda á gotfjøðurini er kropshæddin umleið 9-11% av heildarlongdini. Roðsla er um kroppin, eisini um búkin og fram til uggafjaðrarnar. Uggafjaðrarnar eru nakað stórar. Hann hevur smáar búkfjaðrar, 2,6-3,0% av heildarlongdini. Av gronini aftur til gotið eru umleið 38-41% av heildarlongdini. Ryggjargeislarnir eru millum 97 og 104 í tali. Skrubbuti úlvfiskur hevur meiri roðslu enn flestir aðrir úlvfiskar. Smáskrubbutur er hann mest sum um allan kroppin, um mesta av festunum undir ryggfjøðurini og gotfjøðurini, men ikki um høvdið. Strikurnar eru tvær. Ovari partur gongur mitt eftir síðuni og er ótýðiligur, niðari partur er týðiligur og gongur beint yvir gotfjøðurini og næstan aftur á sporlsendan.

Útbreiðsla

Skrubbuti úlvfiskur er norðan fyri Íslandsryggin. Hann er í Beaufortshavinum og Davisfirði.

Stødd

Skrubbuti úlvfiskur verður upp í 26 cm langur.

Dýpi

Hann er á mórubotni, úr 350 m niður á 1750 m í sjógvi kaldari enn 0°C.

Litur

Kroppurin og fjaðrarnar eru javnbrún, ella grábrún. Hann er ljósur undir búkinum. Hann hevur hvørki ljós bond ella annað. Royggið er myrkabrúnt til svart. Møguliga eru svartir blettir millum ljósu búkskræðuna og brúna litin ovari.

Eyðkenni

Lítli fiskurin. Liturin, eingi ljós bond um bakið. Nógva roðslan. Strikurnar.

Týdningur

Skrubbuti úlvfiskur hevur ikki vinnuligan týdning.

Nøvn á fiski á øðrum máli
Før:Skrubbuti úlvfiskur
Lat:Lycodes squamiventer
Dan:Bugskællet ålebrosme
Ísl:Nafnlausi Mjóri
Nor:Skjell ålebrosme
USA:Scalebelly eelpout

Viðkomandi tíðindi

  • ICES-tilmæli fyri botnfisk 2024

    Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…

    Les meira

  • Merking av fiski á Føroyabanka

    Rannsóknarskipið Jákup Sverri er júst liðugur árliga merkingartúrin.  Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…

    Les meira

  • Lítið av gulllaksi at fáa á djúpum vatni

    Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…

    Les meira

  • ICES-tilmæli fyri uppsjóvarfisk í 2024

    Mest loyvda veiða í 2024 lækkar munandi fyri norðhavssild og nakað fyri makrel, men hækkar nakað fyri svartkjaft. Makrelur Tilmælið fyri makrel er 739.386 tons fyri 2024, sum er ein…

    Les meira