{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Lútkens úlvfiskur

Lycodes luetkenii

Hann er langur og mjávaksin fiskur. Kropshæddin við fremra enda á gotfjøðurini er um 13% av heildarlongdini. Uggafjøðurin er um 16-17% av heildarlongdini. Hann hevur ongan stert, men rygg- og gotfjøðurin ganga saman í ein spíss á sporlsendanum. Hann hevur eina striku mitt aftur eftir síðuni. Roðsla er fram til fremra enda á ryggfjøðurini. Hann er roðsluleysur undir búkinum og á ómakaðu fjaðrunum. Av gronini til fremra enda á gotfjøðurini eru um 48% av heildarlongdini.

Útbreiðsla

Lútkens úlvfiskur er lítið kendur. Menn vita bert um tveir slíkar fiskar á okkara leiðum, annar teirra er veiddur í Hetlandsrennuni í 1910 á 1098 metra dýpi. Lútkens úlvfiskur er vanligari í tí kalda sjónum í Norðurhavinum, við Svalbarð og í Davisfirði.

Stødd

Lútkens úlvfiskur verður upp í 49 cm langur.

Dýpi

Hann er fingin millum 839 metrar og 1098 metrar. Hann er í køldum sjógvi, umleið ÷1°C.

Litur

Hann hevur døkkan lit, 5-6 ljós bond frá ovara kanti á ryggfjøðurini og nakað niður á síðurnar, er helst ljósur eisini tvørtur um nakkan og aftur til kápuna.

Eyðkenni

Longdin av gronini til gotfjøðurina. Hann hevur eina striku.

Týdningur

ann hevur ikki vinnuligan týdning.

Nøvn á fiski á øðrum máli
Før:Lútkens úlvfiskur
Lat:Lycodes luetkenii
Ísl:Djúpmjóri

Viðkomandi tíðindi

  • Tilmæli 2024

    Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…

    Les meira

  • ICES-tilmæli fyri botnfisk 2024

    Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…

    Les meira

  • Merking av fiski á Føroyabanka

    Rannsóknarskipið Jákup Sverri er júst liðugur árliga merkingartúrin.  Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…

    Les meira

  • Lítið av gulllaksi at fáa á djúpum vatni

    Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…

    Les meira